Nesfréttir - 01.02.2023, Page 16

16 Nesfrétt ir
Verslaðu með hjartanu!
www.systrasamlagid.is
Dagskrá og aðrir viðburðir.
Þrátt fyrir leiðindaveður og rysjótta tíð undanfarnar vikur þá hefur
það ekki stoppað fólkið okkar til þátttöku í félagsstarfinu en ágætis
þátttaka hefur verið í öllum dagskrárliðum á nýju ári. Síðasta þriðjudag
hvers mánaðar er sérstök stund fyrir eldri borgara í kirkjunni og þann
31. Janúar sl. á Þorranum var ákveðið að bjóða upp á þorramat með
öllu sem því tilheyrir. Maturinn var frábær og stundin skemmtileg, en
Valdimar Sverrisson skemmti gestum með myndasýningu, sögum og
söng. Undanfarna þriðjudaga hefur Steinn B. Gunnarsson íþróttastjóri
Nesklúbbsins boðið eldri borgurum í léttar æfingar og teygjur í
æfingaaðstöðu Nesklúbbsins að Austurströnd 5. Að loknum æfingunum
sem sem eru þannig að allir ráða við þá eru teknar 18 holur í pútti og svo
er boðið upp á kaffisopa. Virkilega skemmtileg stund og allir þakklátir
fyrir þetta framlag. Það eru allir velkomnir, en þetta er alla þriðjudaga kl.
10.30 og fólki að kostnaðarlausu. Eins og greint hefur verið frá þá þurfti
að fresta því að “opna vinnustofan” færi af stað. Einhver vandkvæði eru
varðandi húsnæðið og verðum við því að bíða þangað til þau mál leysast
sem vonandi verður sem fyrst.
Sunnudaginn 12. febrúar var boðið upp á leiksýningu Borgarleikhússins
Mátulegir. Uppselt var á sýninguna sem var mjög flott, skemmtileg og
frábærir leikarar.
NÆSTU VIÐBURÐIR:
Bæjarferð, Salurinn Kópavogi og gaman saman
Þegar þetta er skrifað er næsti viðburður sameiginleg ferð
félagsstarfsins og kirkjunnar fimmtudaginn 16. febrúar, en þá ætlum við
að skoða Hátíðarsal Menntaskólans í Reykjavík, sal gamla Iðnskólans
við Vonarstræti og fara í kaffi í safnaðarheimili Dómkirkjunnar þar
sem Hjördís Geirs tekur lagið og skemmtir gestum. Það er stutt á milli
viðburða því sunnudaginn 26. febrúar er boðið upp á söngskemmtun
í Salnum í Kópavogi, en þá ætla Örn Árnason og Jónas Þórir að segja
frá og fara yfir feril Sigfúsar Halldórssonar og syngja og spila lögin hans.
Skráning nauðsynleg.
Til stóð að hafa Gaman saman/létta samverustund í salnum nú
seinni partinn í febrúar en henni er frestað fram í mars. Þá fáum við til
okkar Grillvagninn, bjóðum upp á léttar veitingar og hljómsveitin Sóló
kemur og skemmtir. Skráning er nauðsynleg á þann viðburð og verða
skráningarblöð bæði á Skólabraut og Eiðismýri. Hvetjum ykkur til að
fylgjast með tilkynningu um endanlega dagsetningu, fjölmenna, taka
með gesti og lyfta sér aðeins upp eftir langan og strangan vetur.
FÉLAGSVIST LIONS OG BINGÓ Í GOLFSKÁLANUM
Til stendur að félagsvist Lions verið í salnum á Skólabraut þriðjudaginn
14. mars kl. 19.00, og bingóið í golfskálanum þriðjudaginn 21. mars
kl. 14.00 og vonast er til að þessar dagsetningar haldi.
FASTA DAGSKRÁIN
Annars eru allir fastir dagskrárliðir samkvæmt dagskrárblaðinu sem
borið var til allra 67 ár og eldri Seltirninga. Alltaf má nálgast upplýsingar
um dagskrána, skráningu og tímasetningar í aðstöðu félagsstarfsins á
Skólabraut 3­5. Upplýsingar eru gefnar í síma 8939800 eða senda
tölvupóst á kristin.hannesdottir@seltjarnarnes.is. Dagskráin er inni á
síðunni seltjarnarnes.is, einnig eru settar tilkynningar og auglýsingar á
fb. síðu eldri borgarar á Seltjarnarnesi í Morgunblaðið raðauglýsingar/
fólkið/félagsstarf. Það eru allir velkomnir í félagsstarfið sem áhuga hafa,
óháð aldri og búsetu.
Einnig hvetjum ykkur til að fylgjast með fb. síðunni íbúar á Seltjarnarnes,
síðu bókasafnsins og síðu bæjarins. Á þessum síðum eru ýmsar
upplýsingar og tilkynningar um margvísleg málefni. Einnig minnum við
á að nú standa yfir dagar þar sem kynning á Janus Heilsuefling 65+ er í
gullum gangi.
FÉLAGS- OG TÓMSTUNDASTARF
ELDRI BÆJARBÚA
Það er slökkt á sjálfsafgreiðslunni
svo fólkið stendur í röðum við
kassana og saknar glaðlegu tölvuraddarinnar. Nú segir mér enginn
að muna eftir kvittuninni. Gólfdúkurinn er þakinn slabbdrullu og í
loftinu er áberandi lykt af blautri ull. Þetta er við vinnulok á dimmum
degi í miðjum febrúar og verkföll og eldsneytisskortur yfirvofandi. Þá
lítur einhver upp og bendir út um mjóan þakglugga og sko til, þarna
er heiðblár og hálfbjartur himinn á milli skýjanna yfir bílastæðinu.
Fólkið fálmar eftir farsímum og armbandsúrum og kinkar ákaft kolli.
Jú, það passar, klukkan er orðin fimm ... og það er ekki orðið dimmt
úti. Andrúmsloftið fyllist af þögulli ánægju.
Kannski verður þetta bara allt í lagi.
Þorrinn er liðinn og góa tekin við sem er fimmti og næstsíðasti
mánuður vetrar samkvæmt gamla íslenska tímatalinu. Þá var forðum
farið að ganga vel á matarbirgðir og veður ennþá slæm. Það er því eins
gott að einmitt á þessum erfiðasta tíma vetrarins fer að birta aftur og
það hefur líklega orðið mörgum hughreystandi áminning um betri
tíð framundan, bæði fyrr á öldum og ekki síður í dag.
En hvaðan kemur mánaðarheitið góa? Uppruni orðsins sjálfs
er ekki þekktur með vissu en í Orkneyingasögu má lesa um hinn
goðsagnakennda Þorra konung sem átti dótturina Gói (orðmyndin
góa er ekki notuð fyrr en seint á 17. öld). Hvernig nöfn þeirra feðgina
urðu að mánaðaheitum er erfitt að fullyrða um en Þorri og Góa eru
vetrarvættir, veturinn sjálfur holdi klæddur og dóttir hans snjófölin.
Á fyrsta degi góunnar (konudeginum) áttu húsfreyjur að fara fyrstar
allra á fætur og bjóða hana velkomna með eftirfarandi vísu:
Velkomin sértu, góa mín,
og gakktu í bæinn;
vertu ekki úti í vindinum
vorlangan daginn.
Góa er sá árstími þegar allt er enn hálfömurlegt en við fyllumst nýju
baráttuþreki því við vitum að með hækkandi sól styttist í vorið og betri
færð. Því öll él birtir upp um síðir og jafnan er dimmast undir dögun.
Eigum við ekki bara að segja það?
TRYGGVI STEINN STURLUSON
Bókavörður á Bókasafni Seltjarnarness
BÓKAÐ MÁL
Góa