Feykir - 11.05.2022, Blaðsíða 5

ÍÞRÓTTAFRÉTTIR F
Úrslitakeppni Subway-deildarinnar | Valur – Tindastóll 1–0
Valsmenn náðu
í sigur í naglbít
Á föstudaginn mættust Valur
og Tindastóll í fyrsta leik
einvígis liðanna um Íslands-
meistaratitilinn í körfubolta.
Stuðningsmenn beggja liða létu
sig ekki vanta en það þurfti víst
að magna upp stemninguna
Valsmegin með græjum í tilraun
til að yfirgnæfa Grettismenn og
aðra með taktföst Tindastóls-
hjörtu. Leikurinn reyndist hin
mesta skemmtun nema kannski
fyrir þá sem þola illa spennu og
læti. Það voru hins vegar
heimamenn í Val sem náðu í
nauman sigur, 80-79, eftir að
staðan í hálfleik hafði verið
37-34, og mættu því til leiks í
Síkinu sl. mánudag með
mikilvægan sigur í farteskinu.
Feykir var farinn í prentun þegar
sá leikur fór fram en frásögn af
leiknum ætti að vera hægt að finna
á vefnum góða, Feykir.is.

Tólf sinnum skiptust liðin á um að hafa forystu á
föstudagskvöldið og mesti munurinn var átta
stig í þriðja leikhluta en Stólarnir voru fljótir
að laga það. Lokamínúturnar voru æsispenn-
andi þar sem varnir liðanna reyndust sterkar.
Kristófer Acox kom Val þremur stigum yfir með
vítaskoti, 80-77, en Siggi minnkaði muninn í eitt
stig þegar 40 sekúndur voru eftir. Pablo Bertone
átti að galdra fram eitthvað gómsætt fyrir Val í
þeirra lokasókn en missti boltann út af og
Stólarnir fengu boltann fyrir eina lokasókn.
Sóknin endaði á skoti frá Taiwo Badmus úr
vinstra horninu – þar hafði hann ekki klikkað í
síðari hálfleiknum – en skotið var slakt. Bess
náði boltanum liggjandi í gólfinu og kom
honum á Sigga sem varð að taka erfitt skot sem
var ekki langt frá því að falla rétt ... en boppaði af
hringnum og Valsmenn blökuðu boltanum út af
um leið og leiktíminn rann út.
Bæði lið spiluðu fast
en Stólarnnir fengu villurnar
Lið Vals er vel mannað enda einn Tinda-
Javon Bess og Hjálmar Stefáns takast á í Valsheimilinu sl. föstudagskvöld.
MYNDIR: DAVÍÐ MÁR
stólsmaður meðal leikmanna; Pálmi Geir
Jónsson. Rétt eins og hjá Stólunum spila þrír
erlendir leikmenn með liðinu; þeir Jacob
Calloway, Pablo Bertone og Callum Lawson.
Þar fyrir utan eru fjórir landsliðsmenn; Kári
Jóns, Kristófer Acox, Pavel og Hjálmar Stef-
áns. Minnir pínu á rimmur Stólanna og KR hér
í denn en þá þótti nú stuðnningsmönnum
Stóla sem landsliðsmenn mótherjanna nytu
helst til of mikillar virðingar hjá dómurum. Sú
verður vonandi ekki raunin að þessu sinni en
sérfræðingar í setti á Stöð2Sport furðuðu sig
þó á því, þegar farið var yfir leikinn í gær, að í
leik þar sem bæði lið spiluðu harða vörn þá
fengu Stólarnir dæmda á sig 21 villu en
Valsmenn 12.
Taiwo Badmus var stigahæstur í liði Tinda-
stóls. Eftir fyrri hálfleik þar sem liðið hitti illa
utan 3ja stiga línunnar þá skellti kappinn í fimm
slíka í síðari hálfleik og endaði með 25 stig og
átta fráköst. Zoran skilaði 17 stigum, Siggi var
með 12 stig og tók sjö fráköst líkt og Bess sem
gerði tíu stig rétt eins og Arnar. Axel gerði þrjú
stig og Pétur tvö. Í liði Vals voru Acox og Law-
son stigahæstir með 19 stig en Kristófer tók 16
fráköst í leiknum. /ÓAB
3. deild | Vængir Júpíters – Kormákur/Hvöt 2–1
Vængirnir unnu nauman sigur
Keppni í 3. deildinni í knattspyrnu hófst á
föstudag og þar spruttu Húnvetningar fram á
Fjölnisvöllinn undir sameiginlegu merki
Kormáks/Hvatar. Andstæðingarnir voru
Vængir Júpíters sem er eins konar B-lið Fjölnis.
Heimamenn náðu yfirhöndinni snemma leiks
en gekk illa að hrista af sér nýliðina en það fór
svo að lokatölur urðu 2-1.
Daníel Smári Sigurðsson kom þeim vængj-
uðu yfir eftir 12 mínútna leik og á 33. mínútu
bætti nafni hans, Daníel Ingvar Ingvarsson, við
öðru marki heimamanna. Ekki gerðu þeir fleiri
mörk í leiknum en á fjórðu mínútu uppbótartíma
venjulegs leiktíma skoraði Ingvi Rafn Ingvars-
son fyrir lið Kormáks/Hvatar en það dugði ekki
til að þessu sinni.
Tólf lið taka þátt í 3. deildinni og munu
Húnvetningar spila næsta leik sinn á útivelli um
næstu helgi, mæta þá liði ÍH í Skessunni í
Hafnarfirði, en áætlað er að fyrsti heimaleikur
Kormáks/Hvatar fari fram á Blönduósvelli 21.
maí. /ÓAB
Tindastóll og Grindavík mætt-
ust í fyrstu umferð Lengju-
deildarinnar á Króknum sl.
föstudagskvöld. Stólastúlkur
náðu snemma forystunni og
voru mun sterkara liðið í fyrri
hálfleik en gestirnir pressuðu
töluvert í síðari hálfleik og
heimaliðinu gekk verr að
halda boltanum. Það kom þó
ekki að sök því undir lokin
bætti Murr við öðru marki
sínu í leiknum og lokatölur
2-0.
Það voru í raun fínar
aðstæður fyrir fótboltaleik á
Króknum þó hitastigin hafi
ekki verið mörg. Það hreyfði
vart vind og gervigrasvöll-
urinn iðagrænn að vanda.
Það var augljóst strax í upp-
hafi leiks að Stólastúlkum
hafði verið uppálagt að
halda boltanum betur innan
liðsins og láta reyna meira á
stutta spilið. Þessi aðferð var
fljót að bera ávöxt því Murr
kom liði Tindastóls yfir eftir
tíu mínútna leik með góðu
marki eftir að vörn gestanna
hafði verið opnuð upp á gátt
eftir frábært spil. Lið Tinda-
stóls var mun sterkara fyrsta
hálftímann og hefði átt að
bæta við mörkum en úr-
slitasendingin skilaði sér
ekki rétta leið.
Lið Grindavíkur kom
öflugt til leiks í síðari hálf-
leik og minnti leikurinn um
margt á bikarleikinn við HK
hér heima um síðustu helgi.
Munurinn var þó sá að það
var ekkert slugs í varnar-
leiknum að þessu sinni og
gestirnir fengu varla færi;
helst tilraunir utan teigs og
fyrirgjafir eftir hornspyrnur
sem skiluðu litlu. Leikurinn
opnaðist fyrir sókn Stóla-
stúlkna þegar á leið og
gestirnir þurftu að taka
meiri sénsa. Murr losnaði
aðeins úr gjörgæslunni og
gat farið að spretta upp
kantana og nýtt hraða sinn
og styrk. Eftir eina slíka
rispu, sem endaði með skoti
sem Lauren Houghton í
marki Grindavíkur varði
uppskáru heimastúlkur
hornspyrnu á 88. mínútu.
Bergljót náði að skalla fyrir-
gjöfina inn að markteig og
þar rak Murr tána í boltann
og stýrði í markið. Eftir það
áttu Grindvíkingar ekki
séns og fyrsti sigur Stóla-
stúlkna í Lengjudeildinni
þetta sumarið staðreynd.
Í heildina var sigurinn
sanngjarn því lið Tindastóls
skapaði sér betri færi í
leiknum. Það gekk þó sem
fyrr segir brösuglega að
halda í boltann framan af
síðari hálfleik og gestirnir
voru duglegir að vinna
seinni boltann. Það er
skammt stórra högga á milli
hjá liði Tindastóls því á
miðvikudaginn bruna þær í
Árbæinn og etja kappi við
lið Fylkis sem tapaði á sama
tíma 1-3 gegn HK. Á sunnu-
dag kemur svo lið ÍR í heim-
sókn á Krókinn í annarri
umferð Mjólkurbikarsins.
/ÓAB
Lengjudeildin | Tindastóll – Grindavík 2–0
Murr á skotskónum í
sigri á Grindvíkingum
Murr brunar upp vinstri kantinn með Grindvíking á hælunum.
MYND: ÓAB
18/2022 5