Feykir - 11.05.2022, Blaðsíða 7

18/2022 7
Næstkomandi laugardag
ganga íbúar Húnavatnshrepps
og Blönduósbæjar til
kosninga í nýju sameinuðu
sveitarfélagi. Sjálfstæðismenn
og óháðir hafa undanfarnar
vikur unnið hörðum höndum
að stefnuskrá framboðsins.
Við ætlum að láta íbúa
sveitarfélagsins njóta góðs
af rekstrarhagræðingu
sameiningar og búa til
fjölskylduvænt, framsýnt
og metnaðarfullt samfélag
meðal annars með lækkun
leikskólagjalda. Með stuðningi
samfélagsins ætlum við að
byggja okkar starf á vinnu
sameiningarnefndar þar
sem grunnur var lagður að
skipulagi nýs sveitarfélags.
Við viljum efla innviðina í
samfélaginu okkar enn frekar
samhliða því að ástunda
ábyrga fjármálastjórn sem er
forsenda framfara.
Við ætlum að byggja á
skipuriti sameiningarnefndar
þar sem gert er ráð fyrir
fjórum stjórnsýslusviðum;
stjórnsýslu og fjármálasviði,
þróunarsviði, velferðarsviði
og framkvæmdasviði. Með
kaupum ríkisins á stjórn-
sýsluhúsnæði Blönduósbæjar
opnast tækifæri fyrir nýtt
stjórnsýsluhús sem sameinar
alla starfsemi sveitarfélagins
undir eitt þak, sem og eflingu
sýslumannsembættisins og
lögreglunnar.
Við ætlum að fjölga störf-
um meðal annars með því
að ráða mannauðsstjóra til
sveitarfélagsins og efla starf
menningar-, íþrótta- og tóm-
stundafulltrúa og bæta við
ferðamálum svo úr verði tvö
störf.
Þau sveitarfélög sem nú verða
sameinuð í eitt, mynda mörg
minni samfélög. Við viljum að
styrkleikar þeirra fái að njóta
sín. Við viljum stefnumörkun
í íþrótta- og æskulýðsstarfi
sem áherslu á forvarnir í sam-
vinnu við íþróttafélögin. Við
viljum fjallskiladeildir starfi
í núverandi fyrirkomulagi.
Við viljum leggja áherslu á
að fá fullvinnslu ullar heim í
hérað og auka þannig áherslu
á rannsóknir og þróun í
textíliðnaði ásamt því að
fjölga atvinnutækifærum.
Við viljum að stofnuð verði
Umhverfisakademía á Húna-
völlum til að tryggja starf-
semi og uppbyggingu á Húna-
vallasvæðinu. Við viljum efla
bæði félags- og skólaþjónustu
með aukinni stoðþjónustu
sem og leggja áherslu á
húsnæðisuppbyggingu fyrir
X2022 | Guðmundur Haukur Jakobsson D-lista Sjálfstæðismanna og óháðra í Austur-Húnavatnssýslu
Við biðjum um þinn stuðning!
aldraða, meðal annars í sam-
starfi einkaaðila. Við leggjum
áherslu á sterka innviði, öryggi
og samgöngubætur í hérað-
inu. Við ætlum að sameina
grunnskóla sveitarfélagsins
á einn kennslustað haustið
2023. Við munum vinna náið
með skólasamfélaginu, starfs-
mönnum og foreldrum, í því
verkefni til að sem mest sátt
ríki.
Fjögur framboð hafa boðið
fram krafta sína til sveitar-
stjórnar. Við biðjum um þinn
stuðning. Á lista Sjálfstæðis-
manna og óháðra eru 18 ein-
staklingar, níu konur og níu
karlar, sem allir hafa brennandi
áhuga á því að byggja upp
öflugt, metnaðarfullt og fjöl-
skylduvænt samfélag. Fólkið
sem myndar listann er búsett
víða um sveitarfélagið, í
dreifbýli og þéttbýli. Reynsla
þeirra úr samfélaginu er víð-
tæk. Á listanum eru bændur,
iðnaðarmenn, kennarar og fólk
í þjónustustörfum víðsvegar
um sveitarfélagið.
Bakland framboðsins, er
sterkt. Þingmenn kjördæmisins,
bæði Sjálfstæðisflokks og
óháðra þingflokka hafa sýnt
í verki að þeir munu vinna
með framboðinu hér eftir
sem hingað til. Það skiptir
gríðarlega miklu máli fyrir
uppbyggingu sveitarfélagsins.
Við sem gefum kost á okkur
til að starfa í sveitarstjórn, og í
raun allir íbúar sveitarfélagsins,
þurfum og eigum að vera
samstíga í að minna hvert
annað á hvað betur megi fara.
Tölum um það sem vel er gert
og horfum jákvæðum augum
fram á veginn og þau tækifæri
sem gefast, gerum lífið í sam-
félaginu enn betra – saman.
Setjum X við D á kjördag.
Guðmundur
Haukur Jakobsson
oddviti Sjálfstæðismanna
og óháðra fyrir
sveitarstjórnarkosningar
14. maí næstkomandi.
„Að koma saman er upphafið;
að halda saman eru framfarir;
að vinna saman er árangur.“
Fyrstu kosningar til sameinaðs
sveitarfélags Akrahrepps
og Sveitarfélagsins
Skagafjarðar eru framundan
næstkomandi laugardag.
Á þeim tímamótum er
ágætlega við hæfi að rifja
upp framangreind orð
bílaframleiðandans og
brautryðjandans Henry Ford.
Með sameiningunni komum
við saman og nú gildir ekki
eingöngu að standa saman
heldur leggja grunn að góðum
árangri með því að vinna
saman. Vonandi er að ný
sveitarstjórn beri gæfu til þess
að gefa tóninn í þeim efnum
og ekki er síður vonandi að
samstaða á meðal íbúanna
verði lyftistöng framfara á
ýmsum sviðum.
Við sameininguna verðum við
fjölmennasta dreifbýlissam-
félag landsins. Dreifbýlið
nýtur síðan góðs af fjöl-
breyttu þjónustuframboði í
þéttbýliskjörnunum. Samfélag
í dreifbýli styrkist enn frekar
með stöðugt fleiri möguleikum
til búsetu þar án þess að
lífsviðurværið sé háð hefð-
bundnum búrekstri. Frábær
vaxtarskilyrði fyrir atvinnulíf
og búsetu eru um allt héraðið.
Við viljum stuðla að því að
Skagafjörður verði áfram
ákjósanlegur og eftirsóttur
staður til að búa á. Undir
stjórn Framsóknar hefur á
síðustu kjörtímabilum átt
sér stað gífurleg uppbygging
á innviðum sveitarfélagsins.
Ljósleiðaravæðing í dreifbýli
hefur til að mynda haft stór-
aukin atvinnutækifæri í för með
sér og eigum við í Skagafirði að
nýta sóknarfærin hvað varðar
störf án staðsetningar til hins
ýtrasta, jafnt í sveitunum sem
byggðakjörnunum.
Samhliða uppbyggingu
innviða um allan fjörð
skiptir einnig miklu máli að
umhverfisvæn nýting nátt-
úruauðlinda byggi á bestu
fáanlegu tækni og þekkingu.
Nýsköpun í tengslum við
landbúnað og matvæla-
framleiðslu hefur sjaldan verið
mikilvægari enda verður krafan
um sjálfbærni og fullnýtingu
afurða sífellt meiri. Í þeirri
eftirspurn eru ýmis tækifæri
X2022 | Eyrún Sævarsdóttir og Hrefna Jóhannesdóttir B-lista Framsóknarflokks í Skagafirði
Nýtum sóknarfærin
fólgin og við stöndum vel að
vígi til þess að vera í fremstu
röð á þessu sviði.
Í málefnaskrá Framsóknar
í Skagafirði höfum við lagt
mikla áherslu á að fjölga
íbúum í Skagafirði eins og
unnt er. Til þess að það
geti orðið að veruleika þarf
umgjörð atvinnulífsins, og
um leið atvinnutækifæranna,
að vera hvetjandi. Grund-
vallarforsenda þess eru
síðan sterkir innviðir, t.d. í
samgöngum, raforkuöryggi
og háhraðanettengingum
sem auðvelda störf óháð stað-
setningu. Við höfum náð
miklum árangri í þessum
efnum á undanförnum árum
og full ástæða er til að halda
áfram markvissri uppbyggingu
á þeim góða grunni.
Samstaða okkar sem
byggjum þetta öfluga sveitar-
félag er lykilforsenda árangurs.
Hún grundvallast á vandaðri
upplýsingagjöf, gagnsæi og
trausti. Mikilvægt er að allar
raddir íbúa heyrist og fái
hljómgrunn við ákvarðanatöku
sem hefur bein áhrif á daglegt líf
þeirra. Að sama skapi er ábyrgur
og vel ígrundaður rekstur
sveitarfélagsins meginforsenda
þess að hægt sé að sinna
lögbundnu þjónustuhlutverki
sveitarfélagsins. Framsókn
hefur lagt sitt af mörkum
til þeirra verkefna í forystu-
hlutverki sínu við stjórnvölinn
á undanförnum árum. Við
viljum halda áfram á sömu
braut og öflugur stuðningur í
kosningunum yrði kærkominn
byr í seglin.
Eyrún Sævarsdóttir
er sérfræðingur hjá Húsnæðis- og
mannvirkjastofnun og skipar 5.
sæti á framboðslista Framsóknar.
Tp: eyrun@gmail.com
Hrefna Jóhannesdóttir
er skógfræðingur og oddviti
Akrahrepps. Hún skipar 3. sæti á
framboðslista Framsóknar.
TP: hrefnajo@gmail.com