Feykir - 05.10.2022, Side 4

Króksarinn brottflutti, Hulda
Jónasar, hefur verið ötul við að
færa landsmönnum gullkorn
liðinna ára í formi sönglaga
gamalla tíma. Of langt mál er að
nefna alla þá tónleika sem hún
hefur staðið fyrir en nú er komið
að því að heiðra eina ástsælustu
söngkonu þjóðarinnar, Helenu
Eyjólfsdóttur föstudaginn 21.
október í Hofi á Akureyri og
laugardaginn 29. október í
Salnum Kópavogi.
„Helena hefur staðið á sviðinu í
marga áratugi og er fyrir löngu
búin að syngja sig inn í hjörtu
landsmanna með ógleyman-
legum dægurlagaperlum. Á
þessum einstöku tónleikum
ætlum við að leyfa ykkur að
heyra þær og rifa upp bæði í tali
og tónum feril Helenu,“ segir
Hulda.
Á Wikipediu kemur fram að
söngferill Helenu hafi hafist
með söng inn á jólaplötu í
formi jólakorts (einnig hljóm-
plötu) árið 1954 þegar Helena
var aðeins tólf ára gömul:
„Næsta plata kom út 1958. Sú
plata og lagið Ástarljóðið mitt
setti Helenu á lista meðal
fremstu dægurlaga söngvara
landsins. Helena hefur í
gegnum tíðina sungið með
ýmsum hljómsveitum, svo sem
Neo kvartettinum og Atlantic
kvartettinum. Síðar söng hún
með Hljómsveit Svavars Gests
en lengst af með Hljómsveit
Ingimars Eydal og Hljómsveit
Viðburðarstjórinn Hulda Jónasar með stórviðburð í Hofi og Salnum Kópavogi
Tónleikar til heiðurs
Helenu Eyjólfs
Finns Eydal sem hún rak um
árabil ásamt eiginmanni sínum
Finni Eydal (1940 - 1996). Þann
17. júní 2010 var Helena sæmd
riddarakrossi Hinnar íslensku
Fálkaorðu fyrir framlag sitt til
íslenskrar tónlistar,“ segir í
grein Wikipedia.
Hulda segir að Helena hafi
orðið 80 ára á þessu ári og
fannst henni tilvalið að skella í
eina heiðurstónleika fyrir þessa
dásamlegu söngkonu sem glatt
hefur landsmenn með söng
sínum í nærri 70 ár.
„Á tónleikunum ætlum við
VIÐTAL
Páll Friðriksson
að rekja feril Helenu bæði í tali
og tónum, rifja upp fallegu
dægurlagaperlurnar og sög-
urnar á bak við þær. Valgerður
Erlings og Helena sjálf verða á
sviðinu allan tímann og spjalla
á milli laga um ferilinn og
sögurnar á bak við lögin. Hver
man ekki eftir lögum eins og
Manstu ekki vinur, María
Ísabel, Ég tek hundinn, Vaggi
þér aldan, Hoppsa bomm,
Hvítu mávar og fleiri og fleiri.“
Á tónleikunum leikur sex
manna hljómsveit undir stjórn
Rögnvaldar Valbergssonar og
bakraddasveit undir stjórn
Húnvetningsins Hrafnhildar
Víglundsdóttur. Hulda segir
að fjórar frábærar söngkonur
munu síðan stíga á svið og
flytja lögin en það eru þær
Hrafnhildur Ýr, Hreindís Ylva,
Kristjana Arngríms og Sigur-
laug Vordís. Þá eru þeir líka í
hópnum Ívar Helgason og
Grímur Sigurðsson sem söng
og lék með Helenu í hljómsveit
Ingimars Eydal í fjölda ára og
segir Hulda hann engu hafa
gleymt.
Nú hefur Helena sungið ansi
mörg lög um ævina, hvernig
gekk að velja lögin? „Það gekk
bara ljómandi vel við völdum
þau í sameiningu ég og Helena
og vorum yfirleitt sammála, en
hún fékk auðvitað að ráða
þessu í lokin og leggja blessun
sína yfir þetta enda kann hún
þetta.“
Helena verður heiðursgestur
tónleikanna og eins og fram
kemur hér að framan mega
áhorfendur eiga von á því að
hún taki lagið.
„Já, svo sannarlega, hún
ætlar að taka lagið. Hún og
Grímur ætla einnig að rifja upp
gamla takta og skella í eina
Ingimars Eydal syrpu og svo
verður hún auðvitað að taka
Hvítu mávana fyrir okkur.“
Hljómsveit er skipuð þeim
Guðjóni Steini, klarinett og
saxófónn; Grími Sigurðssyni,
trompet; Sigurði Björnssyni,
bassi; Sigga Inga, trommur;
Yngva Rafni, gítar og hljóm-
sveitarstjóranum og hljóm-
borðsleikaranum Rögnvaldi
Valbergssyni.
Í bakröddum syngja þau
Ása Svanhildur, Hrafnhildur
Ýr og Sigurjón Örn.
Hulda segir það hafa gengið
ljómandi vel að koma hljóm-
sveit og flytjendum saman en
þau eru búsett bæði fyrir
norðan og sunnan. „Við höf-
um haldið æfingahelgar
sunnan heiða og svo hefur fólk
æft sig líka bæði heima í stofu
og svo í minni hópum,“
útskýrir Hulda sem langar í
lokin að hvetja fólk til að koma
á þessa einstöku tónleika,
hrista af sér haustslenið og
svífa með aðstandendum
tónleikanna aftur í tímann og
hlusta á allar fallegu dægur-
lagaperlurnar hennar Helenu.
„Tilvalið fyrir saumaklúbba,
matarklúbba, vinkonur, vini,
starfsmannafélög og bara alla.
Það er mannbætandi að hlusta
á tónlistina hennar Helenu og
fallegu sögurnar hennar. Hún
er einstök kona.“
Viltu vinna miða?
Í tilefni þessa viðburðar verða
tíu miðar í boði Gná tónleikar
fyrir heppna lesendur Feykis.
Það eina sem þarf að gera er að
senda póst á feykir@feykir.is
eða bréfleiðis á Feykir Borgar-
flöt 1, 550 Sauðárkróki. Muna
að setja nafn og heimilisfang
sendanda og munu fimm
heppin fá tvo miða hvert.
Helena Eyjólfs, Svanhildur Jakobs og Mjöll Hólm voru þátttakendur á tónleikunum Út við
himinbláu sundin, sem Hulda Jónasar hélt á síðasta ári. MYNDIR AÐSENDAR
Hulda í góðum félagsskap Mjallar Hólm t.v. Helenu Eyjólfs t.h. og Valgerðar Erlings sem
er fremst á myndinni.
Kjördæmadagar hófust á
mánudaginn og þá nýta
þingmenn til að fara út í
kjördæmi sín og hitta
kjósendur, sveitarstjórnafólk,
fulltrúa fyrirtækja og fleiri. Á
heimasíðu Húnaþings vestra
segir að slíkur fundur hafi verið
haldinn einmitt á mánudaginn.
„Þingmenn fengu kynningu á
stöðu sveitarfélagsins og farið
var yfir helstu áherslumál. Á
fundinum var meðal annars
rædd sú ánægja íbúa með
sveitarfélagið sem kemur
berlega í ljós í íbúakönnunum,“
segir í frétt sveitarfélagsins. Þá
var farið yfir umtalsverðar
framkvæmdir í sveitarfélaginu
undanfarin ár, svo sem
viðbyggingu við Grunn-
skólann, hitaveituframkvæmdir
og íbúðauppbyggingu en einnig
var sagt frá þeim framkvæmdir
sem á döfinni eru.
„Að lokum fór sveitarstjórn
yfir helstu áhersluatriði sín. Var
Vatnsnesvegurinn og aðrar
brýnar vegaframkvæmdir þar
efst á blaði. Staðan í landbúnaði,
einkum sauðfjárrækt, bar á
góma, tækifæri til flutnings
óstaðbundinna starfa í
sveitarfélagið, orkumál, málefni
fatlaðs fólks, niðurgreiðsla
sveitarfélagsins með dreifnáms-
deildinni sem og nauðsynlegar
úrbætur á hafnarmannvirkjum.
Fjölmög fleiri framfaramál
voru rædd. Þingmönnum er
þökkuð heimsóknin og góðar
umræður,“ segir á hunathing.
is. / PF
Kjördæmadagar 3.–6. október
Þingmenn funduðu með sveitarstjórn Húnaþings vestra
Alþingismenn nýta kjördæmadaga m.a. til að ræða við fólk og taka stöðuna á
sveitarfélögunum. Hér má sjá þingmenn Norðvesturskjördæmis ræða við sveitarstjórn
Húnaþings vestra. MYND: HUNATHING.IS.
4 37/2022