Feykir - 05.10.2022, Blaðsíða 10

Bók-haldið bankar að þessu
sinni upp á á fremsta bænum í
Fljótum, Þrasastöðum, og
raskar ró Írisar Jónsdóttur,
bónda. Hún er af árgangi 1971,
stúdent frá FSu á Selfossi og
búfræðingur frá Hvanneyri.
Auk þess að vera bóndi vinnur
Íris í Grunnskólanum austan
Vatna, að hluta á bókasafninu.
„Ég er alin upp á Selfossi.
Kem í Fljótin og byrja að búa
með Jóni Elvari Númasyni frá
Þrasastöðum 1993. Við eigum
fjóra syni,“ segir Íris en það eru;
Þórgnýr (1996), húsasmiður,
giftur Kolbrúnu Lind Malm-
qvist og þau eiga tvær dætur,
Skarphéðinn (1999), vélstjórn-
arnemi, býr með Daníelu
Jóhannsdóttur, Konráð (2005)
vélstjórnarnemi, hans kærasta
er Herdís Valdimarsdóttir og
yngstur er Hlynur (2008),
grunnskólanemi.
Þegar Íris svarar Bók-
haldinu síðustu vikuna í sept-
ember er hún með dágóðan
stafla af bókum á náttborðinu.
Fyrst skal nefna Elspu – sögu
konu, skráð af Guðrúnu
Frímannsdóttur, síðan er hún
með slöttung af Ferðafélags-
bókum, Strandapóstinn, ljóða-
bókina Garðskúr afa Sig eftir
Sigmund Erni, sem hún segir
vera skemmtilega. Þá má finna
My Side Of the Mountain sem
segir sögu drengs sem fer að
heiman og reynir að lifa á því
sem landið gefur og tekst það
bara vel. „Einar Áskell og
Kuggur, þær eru á náttborðinu
síðan ömmustelpurnar voru í
heimsókn,“ bætir Íris við.
Hver er uppáhaldsbókin af
þeim sem þú hefur lesið
gegnum tíðina? „Sú sem er mér
ofarlega í huga þessi misserin er
bók eftir Hrafn Jökulsson, Þar
sem vegurinn endar. Ekki bara
er sú bók svo vel skrifuð heldur
líka að sögusviðið er frá mínum
uppáhaldsstöðum á Íslandi,
Árneshrepp á Ströndum. Hrafn
lést fyrir stuttu en hann var
góður penni eins og sagt er og
hefði verið gaman að lesa meira
eftir hann. Ég hitti Hrafn síðast
í Norðurfirði, á þeim góða stað.
Blessuð sé minning hans.“
Hvers konar bækur lestu helst?
„Ég les mikið ferðabækur.
( BÓK-HALDIÐ ) oli@feykir.is
„Gat varla lesið þar
sem augun flóðu í tárum“
Íris Jónsdóttir | bóndi á Þrasastöðum í Fljótum
Árbækur FÍ eru í miklu
uppáhaldi en þær bækur liggja
víða um húsið og gaman og
gagnlegt að glugga í þær.“ Íris
nefnir líka ævisögur og að
barnabækur sé gaman að lesa
fyrir börnin.
Hvaða bækur voru í uppáhaldi
hjá þér þegar þú varst barn?
„Hestabækur, Sörli sonur
Toppu og Trygg ertu Toppa.
Bækur Astrid Lindgren ég held
að Bróðir minn Ljónshjarta
eigi þar vinninginn. Bækur
Ármanns Kr. las ég allar.
Bláskjá fann ég í sveitinni. Svo
las ég alltaf dönsk Andrés blöð.
Sótti þau í búðina, tvö
upprúlluð og pökkuð í hvítan
maskínupappír. Búðin var
Höfn, beint á móti brúnni á
Selfossi en núna er þar nýi
miðbærinn.“
Er einhver ein bók sem hefur
sérstakt gildi fyrir þig? „Pabbi
minn er mikill lestrarhestur, les
mikið og hratt. Hann gefur mér
alltaf vel valda bók á jólum.
Um síðustu jól fékk ég Ilmreyr
eftir Ólínu Þorvarðardóttur.
Afskaplega falleg bók hjá henni
sem segir sögu þriggja kynslóða
kvenna. Við pabbi tölum mikið
um bækur en ég á ekkert í hann
þegar kemur að bóklestri.
Hann er líka svo minnugur á
það sem hann les.“
Hvaða rithöfundar eða skáld fá
hjartað til að slá örar? „Það er
enginn sérstakur en ég hafði
gaman af að lesa Sextíukílóa-
bækurnar hans Hallgríms og
bíð spennt eftir þriðju og
síðustu. Hann hlýtur að fara
með söguna aðeins inn í Fljót
og spinna Skeiðsfossvirkjun og
Stífluvatnið við þráðinn.“
Hversu margar bækur heldurðu
að þú eignist árlega? „Ég hef
enga þörf fyrir að eiga stóran
stafla af bókum – fyrir utan
Árbækur FÍ.“
Ertu fastagestur á einhverju
bókasafni? „Um tíma kom ég
alltaf við á Amtsbókasafninu
þegar ég fór á Akureyri og fór
drekkhlaðin af bókum, þá
aðallega barnabókum fyrir
blandaðan aldur. Í dag er
skólabókasafnið á Hofsósi mitt
aðalsafn og svo reyni ég að
koma við á bókasafninu á
Króknum þegar ég fer þangað.“
Hvaða bók heldurðu að þú hafir
lesið oftast eða er einhver bók
sem þér finnst þú ættir að lesa
árlega? „Árbók Ferðafélagsins,
Ystu strandir norðan Djúps.
Hún kom í mína eigu frá
föðurafa mínum og var mín
fyrsta Árbók. Aðventa Gunnars
Gunnarssonar er hluti af jólum
og enn skemmtilegra að hafa
kveikt á sjónvarpi og hlusta á
YouTube rás þar sem Ólafur
Darri les. Agga Gagg eftir Pál
Hersteinsson er mikil uppá-
haldsbók hér en sögusviðið er
Árneshreppur á Ströndum og
þar fylgist Páll með skollum á
Norður-Ströndum og víðar og
tekst að koma því sem fyrir
kemur vel frá sér á prenti. Auk
þess er hún með mikið af
fallegum myndum.“
Hvaða bækur lastu fyrir börnin
þín? „Ég las allt fyrir mína
stráka og var kvöldlesturinn
dásamlegar samverustundir. Ef
ég var orðin þreytt á barna-
bókunum las ég fyrir þá það
sem ég var að lesa. Man ég eftir
einu tilfelli þar sem ég var að
lesa Ljósu eftir Kristínu
Íris Jónsdóttir.
MYNDIR AÐSENDAR
Fararstjóri að lesa úr bók Jakobínu Sigurðardóttir í Hælavík, séð til Almenninga.
Steinsdóttur og var stödd í
mjög svo átakanlegum kafla og
gat varla lesið þar sem augun
flóðu í tárum og endaði að við
vorum öll farin að skæla,
strákarnir yfir mömmu sinni
og ég yfir bókinni.
Ég kynnti þá auðvitað fyrir
Astrid Lindgren og Guðrúnu
Helgadóttur, Sven Nordqvist en
hann skrifaði um köttinn
Brand og Pétur gamla. Fjalla-
Bensa varð að lesa reglulega og
Vefinn hennar Karlottu og þá
hrundu líka tár hjá stórum og
smáum. Ævintýrið um Auga-
stein eftir Felix Bergsson og
Höllu S. Þorgeirsdóttur er
skyldulesnig fyrir jólin. Disney-
bækurnar eru líka vinsælar og
þá er Guffi í villta vestrinu
upplesinn í þeim flokki.
Ömmustelpurnar voru fljótar
að velja hana líka en þar fellur
eplið ekki langt frá eikinni.
Ég sakna þessara samveru-
stunda.“
Hefur þú heimsótt staði
sérstaklega vegna þess að þeir
tengjast bókum sem þú hefur
lesið? „Já, ég fór ásamt einum af
okkar strákum í Aðalvík,
Hesteyri og Grunnvík fyrir
nokkrum árum og það varð
ekki hætt fyrr en við höfðum
labbað um víkur og firði ystu
stranda norðan Djúps. Og ég á
eftir að teyma hina með mér og
sýna þeim þennan ótrúlega
stað þar sem „..fólkið miðaði
vöku sína og svefn við sól og
stjörnur og átti allt sitt undir
fiskigengd, skepnuhöldum og
árferði.“ Svo vitnað sé í lokaorð
Guðrúnar Ásu Grímsdóttur
höfundar Árbókar 1994 FÍ.“
Hver er eftirminnilegasta bókin
sem þú hefur fengið að gjöf?
„Ég fékk í fimmtugsafmælis-
gjöf bók frá kærum sveitunga,
Erni Þórarinssyni, Hálendið í
náttúru Íslands eftir Pál Ólafs-
son. Óvænt gjöf og góð.“
Hvað er best með bóklestri?
„Mjúk sæng og litlir barna-
lófar.“
Ef þú ættir að gefa einhverjum
sem þér þykir vænt um bók,
hvaða bók yrði þá fyrir valinu?
„Ferðafélagsbók og hvetja þann
hin sama til að reima á sig
gönguskóna og arka af stað.“
Þegar fólk við drykk og dufl
drabbar suður í löndum,
saumum við okkur sálarkufl
úr sólskini norður á Ströndum.
Sr. Jónmundur Halldórsson
á Stað í Grunnavík.
10 37/2022