Ský - 01.02.1999, Page 33

„Time is on my side, yes it is,“ söng Jagger endur fyrir löngu. Það er
engu líkara en þetta hafi orðið áhrínisorð því Rolling Stones eru enn
að og gefa með því þeirri staðreynd langt nef, að fátt stenst tímans
tönn verr en dægurlagasvejtir. En þótt tíminn virðist vera á bandi
Stones og þeir fylli ennþá íþróttaleikvanga víða um heim, munu þeir á
endanum verða að játa sig sigraða því árin eira engum.
Allt er breytingum undirorpið, hvort sem það eru vinsældir,
atvinnuhættir eða lífsafstaða og gildismat fólks.
„Nútíminn burstar í sér tennumar í stað þess að fara með kvöld-
bæn,“ segir Nóbelsskáldið í Kristnihaldi undir jökli og fangar þar eðli
tímans eins og honum einum er lagið.
Nú þegar líður að aldahvörfum er ágætt tilefni að líta yfir sviðið og
skoða hvernig nútíminn er að úrelda ýmis störf og gildi í íslensku
þjóðfélagi.
Ský 31