Skinfaxi - 01.02.2018, Blaðsíða 34

34 SKINFAXI
SJÁUMST Á
UNGLINGALANDSMÓTI
UMFÍ Í ÞORLÁKSHÖFN
21. Unglingalandsmót UMFÍ fer
fram um verslunarmannahelg-
ina 2.–5. ágúst nk. Að þessu
sinni fer mótið fram spotta-
korn frá höfuðborginni, í Þor-
lákshöfn. Mótshaldarar eru Hér-
aðssambandið Skarphéðinn
(HSK), Sveitarfélagið Ölfus og
Ungmennafélag Íslands.
Unglingalandsmót UMFÍ er
vímulaus fjölskylduhátíð þar
sem börn og ungmenni á aldr-
inum 11–18 ára reyna með sér
í fjölmörgum íþróttagreinum en
samhliða er boðið upp á fjöl-
breytta afþreyingu, leiki og
skemmtun fyrir alla fjölskyld-
una. Mótið er því sannkölluð
fjölskylduhátíð. Ekki er skilyrði
að vera skráður í ungmenna-
eða íþróttafélag til þess að taka
þátt.
Fjölbreytt dagskrá
og afþreying
Þétt dagskrá er alla mótsdag-
ana og skemmtun á kvöldin þar
sem margt af þekktasta tónlist-
arfólki landsins kemur fram.
Þegar hafa boðað komu sína
Jói Pé og Króli, Herra Hnetu-
smjör og Flóni, Jón Jónsson og
hljómsveitin Between Moun-
tains, Young Karin, Míó Tríó, DJ
Dóra Júlía og fleiri. Hin lands-
þekkta Lúðrasveit Þorlákshafn-
ar kemur að sjálfsögðu fram á
mótinu.
Í ár er boðið upp á yfir 20
keppnisgreinar. Má þar t.d.
nefna knattspyrnu, körfubolta
og frjálsar íþróttir. Margar nýj-
ungar eru líka kynntar til leiks í
Þorlákshöfn.
Fullt af spennandi
greinum
„Það er meiri fjölbreytni á Ungl-
ingalandsmótinu nú en nokkru
sinni áður og það veitir öllum
þátttakendum tækifæri til að
prófa fullt af spennandi grein-
um. Á meðal nýjunganna, sem
kynntar verða til leiks, eru grein-
ar sem gera allri fjölskyldunni
kleift að taka þátt og keppa
saman,“ segir Ómar Bragi
Stefánsson, framkvæmdastjóri
Unglingalandsmóts UMFÍ.
Á meðal nýrra greina nú er
keppni í dorgveiði og sand-
kastalagerð. Keppni í köku-
skreytingum er einnig á dag-
skránni. Þetta verður í annað
sinn sem keppt er í kökuskreyt-
ingum á Unglingalandsmóti
UMFÍ. Fyrst var keppt í grein-
inni á Egilsstöðum í fyrra og
var hún með vinsælustu grein-
unum.
„Við sáum það á Egilsstöðum
að þátttakendur á Unglinga-
landsmótum vilja fjölbreytni og
nýjungar. Við svörum að sjálf-
sögðu því kalli,“ bætir Ómar
Bragi við og segir greinarnar
flestar til þess fallnar að vinir
og vinkonur geti búið til lið
saman.
Allir geta skráð
sig til leiks
Skráningargjald á Unglinga-
landsmót UMFÍ er 7.000 krón-
ur og geta allir sem vilja skráð
sig til leiks. Greiða þarf gjald-
ið til að geta klárað skráningu.
Aðrir mótsgestir greiða ekkert
gjald en geta þó tekið þátt í
fjölbreyttri afþreyingu og verk-
efnum sem boðið er upp á.
Skráning og greiðsla fer í
gegnum greiðsluþjónustukerfið
NORA.
www.umfi.is
Ítarlegri upplýsingar
um mótið, dagskrána
og skráninguna eru á
slóðinni: www.ulm.is