Skinfaxi - 01.03.2018, Blaðsíða 33

SKINFAXI 33
„Ég taldi mjög brýnt að bregðast skjótt við
þegar íþróttakonur stigu fram með sögur
sínar síðastliðinn vetur. Samfélagið gengur
nú gegnum mjög mikilvæga vitundarvakn-
ingu um málefni sem tengjast kynferðislegri
áreitni og ofbeldishegðun. Starfshópurinn
var síðan skipaður með breiðri aðkomu
fólks í íþrótta- og æskulýðsstarfi og hlut-
verk hans var að koma með tillögur um
viðbrögð og aðgerðir í þessum viðkvæmu
málum. Stór hluti íþróttaiðkenda er börn
og ungmenni og sumir þeirra, sem að
þessu starfi koma, eru sjálfboðaliðar – því
geta þolendur og gerendur verið í afar
ójafnri stöðu þegar erfið mál koma upp.
Því er mikilvægt að við tryggjum sem best
öryggi allra og að til séu skýrir ferlar um
hvernig fara eigi með álitamál,“ segir Lilja
Alfreðsdóttir, mennta- og menningarmála-
ráðherra.
Lilja segir íþróttastarf á Íslandi vera að
mörgu leyti til fyrirmyndar. Alltaf megi þó
gera betur.
„Markmið okkar er og verður að íþrótta-
og æskulýðsstarf sé öruggt umhverfi þar
sem börn, unglingar og fullorðnir, óháð
kyni eða stöðu að öðru leyti, geti stundað
íþróttir eða tómstundir í öruggu umhverfi.“
Lilja bendir á að öryggi iðkenda og ann-
arra þátttakenda hafi verið sett í önd-
vegi við alla vinnu starfshópsins sem taldi
mikilvægt að tillögurnar næðu ekki aðeins
til íþróttastarfs heldur einnig til æskulýðs-
starfs utan skóla. Því er einnig fjallað um
eineltis- og jafnréttismál í tillögum hans.
„Starfshópurinn skilaði okkur afar grein-
argóðu yfirliti og gagnlegum tillögum sem
við vinnum áfram með. Eitt stærsta skref-
ið þar er tillaga um tímabundið starf sam-
skiptafulltrúa íþrótta- og æskulýðshreyfing-
arinnar en ég ráðgeri að leggja fram
frumvarp um það mál síðar í vetur. Slíkur
samskiptafulltrúi myndi veita ráðgjöf og
leiðsögn og taka við símtölum, tilkynningum
eða öðrum samskiptum um ofbeldi og
aðra óæskilega hegðun og koma þeim í
réttan farveg. Hlutverk hans væri einnig
að leiðbeina um gerð siðareglna og við-
bragðsáætlana og sinna upplýsingagjöf
og fræðslu um þessi mál,“ segir hún að
lokum.
Lilja Alfreðsdóttir:
Mikilvægt að bregðast við ofbeldinu
Lilja Alfreðsdóttir, mennta- og menningarmála-
ráðherra.