Skinfaxi - 01.03.2018, Síða 39

SKINFAXI 39
Dæmi um það sem
félögin ætla að gera
• Kynna íþróttastarf á 2–3 tungumálum í
fyrirtækjum þar sem mikið af erlendu fólki
starfar.
• Fá foreldra til að verða tengiliði við
erlendar fjölskyldur.
• Dreifa kynningarriti um skipulagt íþrótta-
og æskulýðsstarf á nokkrum tungumálum.
• Fá skólayfirvöld í samstarf og spyrja um
íþróttaiðkun á viðtalsdögum í grunnskóla.
„Það er best að ná til barnanna í gegnum skólana,
jafn vel strax í leikskóla, þar sem innflytjendur/nýbúar
vita ekki alltaf hvernig íþrótta- og tómstundastarf
virkar hérlendis. Það þarf að kynna fyrir þeim frí-
stundakortið á þeirra eigin tungumáli. Starfsfólk
íþróttafélaga eða fulltrúar þeirra gæti líka kom-
ið á vettvang og haft kynningu á frístundakort-
inu og íþróttastarfinu í skólum eða með því að
senda tölvupósta og bæklinga á tungumáli
við komandi. Það er alltaf gott fyrir barnið að
stunda skipulegar íþróttir og tómstundastarf.
Það hefur jákvæð félagsleg, líkamleg og and-
leg áhrif. Svo aðlagast barnið og fjölskyldan
betur nýju samfélagi í gegnum íþróttirnar.“
„Ég held að erlent fólk, sem flytur hingað, haldi að ýmislegt
hæpið í lífsháttum geti fylgt íþróttum á Íslandi eins og gjarn-
an gerist í heimalöndum þess. En þannig er það ekki
hér. Á Íslandi hafa íþróttir mikið forvarnagildi. Það
verður að leggja áherslu á þetta og kynna íþróttir bet-
ur fyrir foreldrum barna af erlendum uppruna. Senni-
lega myndi það skila mestum árangri að fara með
kynningar inn í skólana.“
Maciej Baginski var fimm ára þegar fjölskylda
hans fluttist frá Póllandi til Sandgerðis. Hann byrjaði
þar í fótbolta en færði sig yfir í körfubolta þegar
fjölskyldan fluttist til Njarðvíkur.
Mikilvægt að kynna frístundakortin
Fjolla Shala, knattspyrnukona í meistaraflokki Breiðabliks.
Hún er fædd í Kosovo en fluttist með foreldrum sínum til Þýska -
lands þegar hún var hálfs árs gömul. Árið 1998 flutti fjöl-
skyldan til Íslands. Þá var Fjolla fimm ára. Fjórum árum
síðar hóf hún að æfa knattspyrnu með Leikni í Breiðholti.
Fjolla hefur ekki farið leynt með það að í kringum 12
ára aldurinn var hún farin að sækja í félagsskap
unglinga sem var ekki góður en hafði talsverð
áhrif á hana. Fótboltinn var haldreipi hennar
og veitti henni stöðugleika. Fjolla spilar í dag
fyrir Breiðablik og hefur landað tveimur Íslands -
meistaratitlum og þremur bikarmeistaratitlum
með liðinu. Fjolla hefur auk þessa spilað með
kvennalandsliði Kosovo í knattspyrnu frá síðasta ári.
Maciej var með forvitnilegt örerindi á blaðamannafundi við
kynningu á verkefninu Vertu með á dögunum ásamt taekwondo-
konunni Samar E. Zahida. Þar hvatti hann alla foreldra af
erlendu bergi brotna til að skrá börn sín í íþróttir. Hann
sagði foreldra sína hafa ferðast með sér á mót víða um
land. Þau hafi eignast nýja vini í gegnum íþróttir hans
og aðlagast samfélaginu mun betur en ella. Íþróttir
höfðu því haft mikil jákvæð áhrif á fjölskylduna.
Maciej spilar með meistaraliði karla í körfubolta í
Njarðvík og með íslenska landsliðinu í körfubolta.
Leggja þarf áherslu á forvarnagildi íþrótta
UMFÍ og ÍSÍ héldu blaðamannafund í tengslum við útgáfu bæklingsins
Vertu með þar sem styrkjum var úthlutað til félaganna fimm er ætla að
vinna að því að fjölga börnum af erlendu bergi í skipulögðu íþrótta- og
tómstundastarfi. Á fundinn mætti Lilja Alfreðsdóttir, mennta- og menningar-
málaráðherra. Hún lýsti yfir ánægju með framtakið og sagði það lofsvert.
Margrét Guðmundsdóttir, sérfræðingur hjá Rannsókn og greiningu,
gerði grein fyrir könnun sem lögð var fyrir alla nemendur í 8.–10. bekk
grunnskóla árið 2016. Niðurstöðurnar benda til að 56% barna og ung-
menna stundi nær aldrei íþróttir þar sem engin íslenska er töluð á heimil-
inu og 46% barna og ungmenna þar sem íslenska er annað tungumál.
Þetta sagði hún sláandi tölur. Ekki var þó spurt um fæðingarland þeirra
sem tóku könnunina. Það verður gert næst.