Muninn - 01.04.2021, Blaðsíða 11

Elsku bestu menntskælingar.
Berglind gjaldkeri Hugins hér. Þetta ávarp er ekki þekkt fyrir að vera mest lesna ávarp
Muninn blaðanna í gegnum árin, en þetta getur þó verið áhugavert. Þá er ég samt ekki að
segja að þetta ár sé neitt sérlega áhugavert.
Í byrjun hvers skólaárs koma gjaldkeri og formaður Hugins saman á fund og gera
fjárhagsáætlun. Oftast er miðað við gamlar fjárhagsáætlanir og það var nákvæmlega það
sem ég og Ína gerðum saman. Við náðum að áætla mun minni pening í til dæmis
heimasíðuna þar sem við gerðum hana upp og spöruðum með því tæpar 100.000 kr.
Annars var mest allt í þessari fjárhagsáætlun mjög svipað og hjá forverum mínum.

Eins og allir vita þá var þetta ekki hefðbundið ár og fengum við í Huginn ekki að halda
okkar stærstu viðburði. Með því stóðum við mjög vel peningalega séð, sem er samt
sorglegt því ég hefði alveg viljað eyða þessum peningum í ykkur. Við fengum þó að halda
söngkeppni. Hún var haldin í Kvosinni og enduðum við í -300.000 kr eftir hana. Sem er
gott þar sem náðum einungis tekjum út úr styrkjum en ekkert úr miðasölu eins og öll
önnur ár.
En að lokum vil ég segja hvað ég er þakklát fyrir fólkið í fyrra sem treysti mér fyrir
þessari ábyrgðarfullu stöðu. Ég hef lært svo mikið á því að gegna þessari stöðu. Síðast en
ekki síst vil ég þakka ykkur öllum sem tóku þátt í öllum viðburðunum okkar það stóðu
sig allir svo vel.
Quaestor scholaris 2020-2021
Berglind Halla
ÁVARP
QUESTOR
SCHOLAE
HUGINNMA.IS
KVÖLDVÖKUR
ÁRSHÁTÍÐ
HÚSALEIGA
ÝMIS KOSTNAÐUR
GETTU BETUR
MORFÍS
GLEÐIDAGUR
SÖNGKEPPNI
STYRKIR TIL UNDIRFÉLAGA
9