Muninn - 01.04.2021, Síða 29

Honorable mentions fá svo AC/DC, Guns n´
Roses og Queen, þau voru nálægt því að
komast á lista en harðstýrurnar/stjórarnir í
Muninn vildu hafa þetta stutt og laggott.
Lag sem þú hélst upp á í menntaskóla:
Vængjalaus – Sálin hans Jóns míns. Held enn
mikið upp á það. Stórkostleg stemning sem
myndaðist í Sjallanum þegar heitasta
ballhljómsveit síðustu aldar mætti norður.
Fallegasta lagið:
Morgunstemning – Edvard Grieg. Þetta er
fallegt lag frá upphafi til enda, mikil bjartsýni,
fegurð og gleði sem fylgir þessu lagi.
Lag sem þú kannt utan að:
Hmm… ég kann í mesta lagi svona 70-80% af
textum utan að, fylli svo bara inn í eyðurnar
með það sem hljómar sennilegast. Ég kann
reyndar Hesta Jóa.
Eyrún Huld
Uppáhaldslag
Ég er kannski ekki alveg hlutlaus en
uppáhalds íslenska lagið mitt þessa dagana
heitir Áfram og upp á við með Magna
Ásgeirssyni. Kraftmikið og rokkað lag,
svakalegur söngur, þéttar bakraddir og
geggjaðar trommur. Textinn eftir Sævar
Sigurgeirsson MA-stúdent er ekki bara
flottur heldur líka heillandi og hvetjandi.
Boðskapurinn á vel við í dag „„áfram og upp á
við“ er eina leiðin, lægðin hverfur, það vorar
og birtir og allt verður gott. Myndbandið við
lagið er listaverk og má finna á YouTube, en
það prýða myndir frá einum fegursta stað
landsins. Munið bara að hækka vel í
græjunum þegar er hlustað!
Lag sem þú hélst upp á í menntaskóla
Menntaskólaárin snérust um vini, djamm og
skóla…og svo kannski aðeins meira djamm.
Partý og sveitaböll voru hverja helgi og því
má segja að íslensk sveitaballatónlist sé mitt
menntaskólalag. Við gengum meira að segja
svo langt að fara norður í land á nokkur
Ýdalaböll með Sssól og Sálinni alla leið frá
Egilsstöðum. Þetta var gríðarlegur metnaður!
En ef ég á að velja bara eitt lag þá er það
Friður með Sóldögg. það er eitthvað svo
ótrúlega töff við lagið og ég fæ alltaf
nostalgíukast þegar ég heyri það. Sóldögg
spilaði á busaballi ME í Valaskjálf þegar ég
var busi…sælla minninga!
Fallegasta lagið
Hér verður fyrir valinu Heyr himna
smiður. Lagið er eftir Þorkel Sigurbjörnsson
en textinn er ævafornt kvæði eftir Kolbein
Tumason. Sagan segir að hann hafi ort það á
dánarbeði sínu eftir Víðinesbardaga árið
1208. Það er ótrúlega magnað að átta
hundruð ára gamalt íslenskt kvæði skuli enn
lifa góðu lífi, það segir sitt um gæði lags og
texta. Mín uppáhalds útgáfa er með færeysku
söngdrottningunni Eivöru Pálsdóttur, hennar
flutningur er himneskur. Seiðandi röddin,
fallegu orðin og hin einlæga trú og von,
einstaklega töfrandi! Lestarstöðvarútgáfa
Árstíða er líka vinsæl en þeirra flutningur
nálgast nú átta milljón áhorf á YouTube. Lagið
var líka spilað í einum af mínum
uppáhaldssjónvarsþáttum, Handmaid´s tail.
Lag sem þú kannt utan að
Það má segja að yngsti guttinn á heimilinu búi
þessa dagana í Hálsaskógi með dýrunum og
því vel ég vögguvísu Lilla klifurmúsar. Vísan
er úr hinu sígilda ævintýri Thorbjörns Egner,
í framúrskarandi þýðingu Kristjáns frá
Djúpalæk. Dvel ég í draumahöll er
undurfalleg vísa sem allir þekkja og elska.
Hún minnir á einfaldleikann, barnæskuna og
sakleysið, meira að segja Mikki refur sefur
vært með ,,skottið undir vanga“. Vísan var
sungin við skírn barnanna minna og þess
vegna þykir mér líka ofurvænt um hana.
Örn Þór
Það er alveg sjálfsagt að verða við ósk ykkar
að velja nokkur lög sem ég hef haft miklar
mætur á í gegnum tíðina. Valið er þó erfitt því
að úr mörgu er að velja og einn daginn
manstu betur eftir einu lagi en svo öðru
næsta dag. En hér er þau lög sem ég hef valið.
Uppáhaldslag:
Paranoid/Android - Platan OK Computer
sem kom út 2001
Reckoner - Platan Rainbow sem kom út
2008.
Hér koma margir til greina. Lög með Beatles,
Rolling Stones, Kinks, Cream,Bob Dylan….En ég
ætla að velja lög sem hef hlustað nokkuð
mikið á síðustu ár með Radiohead: Paranoid-
Android og einnig lagið Reckoner með sömu
hljómsveit. Það þarf að hlusta á þessi lög í
nokkurn tíma til að meta þau.
27