Muninn - 01.04.2021, Side 67

nour mohammad naser
NOUR MOHAMMAD NASER
Hver er þinn uppáhalds sýrlenski
matur og uppáhalds íslenski
matur?
Allur sýrlenskur matur en lax er
örugglega uppáhalds maturinn minn á
Íslandi því hann er ekki til í Sýrlandi.
Hvort finnst þér betri matur á
íslandi eða Sýrlandi?
Sýrlandi, þar eru betri krydd og hráefni
sem fást ekki hér. Það getur verið erfitt
að finna allt sem þarf í sýrlenskan mat í
íslenskum búðum.
Hverjir bjuggu heima hjá þér þegar
að þú bjóst í Sýrlandi?
Við bjuggum í stóru húsi með þremur
íbúðum, frændi minn, amma og afi og
við. Við erum mjög stór fjölskylda og í
dag búum við dreift um alan heim, sum á
Íslandi, sum í Sýrlandi og enn aðrir í
Líbanon
Hver er mesti munurinn á
íslenskum og sýrlenskum mat?
Það er notað mjög mikið krydd í
sýrlenskum mat, mikið kjöt og líka
grænmeti sem er ekki til á Íslandi, eins og
til dæmis svona litlir kúrbítar. Og allt kjöt
og grænmeti er alltaf ferskt í Sýrlandi!
Hvernig gekk þér að læra íslensku
þegar að þú komst?
Fyrstu tvö árin voru mjög erfið, mér
fannst mjög erfitt að skilja og tala
íslensku en núna gengur miklu betur!
Hvernig fannst þér vera tekið á
móti þér þegar þú komst fyrst til
Íslands?
Bara vel, fólk var mjög nice og
almennilegt.
Hvenær komstu til Íslands fyrst og
hvar bjóstu áður en að þú fluttir?
Ég kom til Íslands með fjölskyldunni
minni í lok janúar árið 2017 og ég bjó þá í
Líbanon. Fyrir það hafði ég búið í
Sýrlandi en fluttist til Líbanon nokkrum
árum síðar.
Hvað kom mest á óvart þegar þú
komst fyrst til Íslands/ hvað
fannst þér skrýtnast við Ísland?
Að það sé til dæmis alltaf dimmt um
veturnar og síðan alltaf bjart á sumrin.
Síðan líka hvað það er mikill snjór og
kalt.
Hvar sérð þú þig fyrir þér í
framtíðinni?
Mig langar að búa á Íslandi en mig
langar ekki að fara í háskóla hér. Mig
langar frekar að fara í háskóla þar sem
námsefnið er kennt á ensku og
arabísku.
Hvað langar þig að læra?
Ég ætla að fara í læknisfræði, og stefni á
nám erlendis. Helst langar mig að verða
kvensjúkdómalæknir.
Er munur á náminu í íslenskum
skóla og sýrlenskum skóla?
Já í Sýrlandi notum við ekki tölvur, bara
bækur. Það er líka oft þannig að þú
þarft að læra heila bók utan að fyrir
próf og allskonar. Það er líka mikill
munur á reglum innan skólans, til
dæmis má ekki hafa síma í skólanum og
það má ekki borða í stofunni.
65