Mosfellingur - 22.08.2023, Blaðsíða 14

- Frítt, frjáls og óháð bæjarblað14
Skráning: 18. ágúst - 3. september
á slóðinni www.fa.is/fjarnám
Önnin hefst 6. september
Nýlega fór fram fjölmennur stofnfundur
Hollvinasamtaka Hleinar.
Tilgangur félagsins er að styðja við þá
starfsemi sem fram fer á vegum Hleinar í
samráði við starfsfólk og yfirstjórn Hleinar.
Tekjustofn félagsins eru árgjöld og aðrar
tekjur sem félagið kann að afla. Tilgangi
sínum hyggst félagið ná með því að styðja
við bakið á starfseminni á Hlein, meðal
annars með viðburðahaldi fyrir íbúa og
gjöfum og öðrum stuðningi við starfsemi
Hleinar.
Í stjórn voru kosin Stefán Yngvason sem
formaður, Halldóra Vífilsdóttir sem verður
gjaldkeri og Kristjana Knudsen sem verður
ritari stjórnar. Varamaður stjórnar var kjör-
in Jóhanna A. Jónsdóttir.
Hlein er hjúkrunarsambýli sem staðsett
er við Reykjalund. Hlein er heimili fyrir ein-
staklinga sem hafa flóknar þjónustuþarfir,
bæði andlega og líkamlega. Íbúar Hleinar
hafa hlotið varanlegan skaða af völdum
sjúkdóma eða slysa sem leitt hafa til veru-
legrar skerðingar á hæfni þeirra til að sinna
daglegum þörfum. Um sjö íbúa er að ræða
sem eru háðir aðstoð allan sólarhringinn.
Hlein er starfrækt á vegum SÍBS í miklu
samstarfi við Reykjalund og var byggt á
árunum 1990-1992, að stórum hluta fyrir
söfnunarfé sem Lions-hreyfingin aflaði
með sölu á Rauðu fjöðrinni.
Öllum er velkomið að gerast félagar í Holl-
vinasamtökunum og er árgjald 5.000 kr.
Hollvinasamtökin eru á Facebook.
Glæsilegur stofnfundur Hollvinasamtaka Hleinar
að loknum stofnfundi
í blíðskapar veðri