Muninn - 01.04.2023, Page 75

Kolbrún Ýrr Bjamadóttir - íslenskukennari
Hvað gerir góða kennslustund?
Jákvæðni, víðsýni og forvitni.
Hvað gerir góðan kennara?
Þolinmæði, hjartahlýja, metnaður og trú á nemendur.
Ætti menntaskólinn að vera 3 eða 4 ár?
Það ætti að vera (og getur verið) val hvers og eins en ég sakna fjórða bekkjar og fmnst nemendur almennt betur
undirbúnir fyrir lífið eftir fjögur ár og að þeir fái að njóta sín betur í skólanum undir minna álagi með þeim
hætti.
Ef þú gætir, hverju myndir þú breyta í tengslum við skólann sem myndi bæta námið fyrir nemendur?
Ég myndi vilja sjá fallegri rými, fleiri hópvinnurými og meiri samvinnu á milli ólíkra námsgreina sem myndi
fækka skilaverkefnum.
Ef þú gætir fengið hvaða manneskju sem er til að kenna einn tima hver yrði fyrir valinu?
Ég myndi fá Bríeti Bjarnhéðinsdóttur, baráttukonu, til að kenna um jafnrétti kynjanna. Ef þið þekkið ekki
nafnið er skylda að gúggla hana og fræðast.
Hvaða áfangi ætti að vera skylduáfangi fyrir alla?
Kynfræðsla þar sem umræðan í samfélaginu hefur opnast verulega um mörk í samskiptum, kynferðislegt
ofbeldi, kynheilbrigði og kynlíf almennt.
Hvað gerir þú í frítímanum þínum?
Tek ljósmyndir, rækta grænmeti, les bækur, hreyfi mig, sæki í náttúruna, fer á listasöfn, skapa minningar með
mínu besta fólki, ferðast og leita að ævintýrum.
Valdís Björk Þorsteinsdóttir - stærdfræðikennari
Hvað gerir góðan kennara?
Góður kennari þarf að hafa áhuga á námsefninu, ef áhugi kennarans er ekki til staðar þá er útilokað að kveikja
áhuga hjá nemendunum. Hann þarf líka að hafa færni í samskiptum og geta nálgast nemendur með ólíka
persónuleika og ólíka námsgetu.
Ætti menntaskólinn að vera 3 eða 4 ár?
Ég er á því að námstími til stúdentsprófs hefði átt að vera áfram 4 ár. Ég get ekki séð út frá opinberum tölum að
tíminn sem tekur að ljúka fyrstu háskólagráðu hafi styst, því að stúdentar eru mun líklegri núna til að taka sér
hlé frá námi, frekar en að halda beint áfram í háskólanám.
Ef þú gætir fengið hvaða manneskju sem er til að kenna einn tíma hver yrði fyrir valinu?
Ég velti fyrir mér flottum mönnum eins og Brian Cox (stjörnufræði), Richard Feynman (eðlisfræði), eða Grant
Sanderson (stæiðfræði). En ég hugsa að ég myndi helst af öllum vilja fá Hypatíu til að kenna tíma um rúmfræði
eða stjömufræði. Hún var stærðfræðingur og kennari sem var uppi í Alexandríu á 4. öld og var talin snillingur í
öllum greinum.
Hvaða áfangi ætti að vera skylduáfangi fyrir alla?
Helst einhverskonar blöndu af vísindalæsi og markaðslæsi, þannig að fólk hafi lágmarks bakgrunnsþekkingu
til að geta greint á milli vísinda og gervivísinda og þekki trixin hjá markaðsfræðingum til að nota gervivísindi
til að selja þeim bull. Viti t.d. hvað liggur að baki lyfjarannsóknum, af hverju markaðsorð eins og „náttúrulegt"
og „ofurfæða" segja ekki neitt og hvers vegna nálastunga, hómópatía og slíkt hefur engin áhrif önnur en að
létta pyngjuna.
Hvað gerir þú í frítímanum þínum?
Þegar ég get þá spila ég D&D og stundum tölvuleiki. Eyði kjánalega miklum tíma í Pokémon GO. Svo er það
bara að njóta með krökkunum mínum.