Muninn - 01.04.2023, Page 81

Svo kemur að árinu í ár og félagslífið hefur aldrei verið meira og ég er rosalega leiður
yfir því hvað tíminn er byrjaður að líða alltof hratt afþví að ég er að skemmta mér
svo vel. Þessi litla saga mín í MA er bara pínu ponsu lítið brot að öllu því magnaða
sem þú getur gert í skólanum og ætla ég að nýta mér þessa ræðu til að hvetja ykkur
að prófa að taka þátt í því sem þið viljið hvort sem það er til að ögra ykkur eða bara
skemmta ykkur konunglega . Sækið um í LMA reynið við MORFÍs, Gettu betur,
söngkeppnina, dansa í PríMA eða bara lifa vera og njóta, með því að mæta og hitta
alla í löngu og á kvöldvökum syngja hátt á söngsölum og fíflast eitthvað með
bekknum ykkar á íþróttamótum ÍMA.
Og ætli þessi litli bútur leiði okkur ekki ágætlega yfir í það seinasta sem mig langar
að fá að predika yfir ykkur í kvöld. Eitthvað sem ég hef notað rosalega mikið í bæði
námi mínu og félagslífinu hér og það er setningin vertu kjáni. Því ef að við embracum
öll að vera bara kjánar og ekki hugsa of mikið um það sem öðrum finnst þá verður
þetta svo miklu skemmtilegra. Við erum nefnilega bara öil í menntaskóla og ef þetta
er ekki staðurinn til að gera okkur af fíflum og rekast á öll heimsins mistök í
einhverri rosalegri leit að sjálfum okkur þá veit ég ekki hvað. Þannig við skulum öll
byrja að láta eins og kjánar í kvöld og dansa vel og almennilega og fagna þessum
mögnuðu árum með öllu þessu magnaða fólki. Því í kvöld verður ekkert beef heldur
bara ógeðslega gaman.
-Þröstur Ingvarsson 3.L