Ný kynslóð - 01.10.1941, Page 30

Ný kynslóð, okt. ’41
Ég lít Út um litla gluggann
á ljómandi stjörnu, er skín.
— Hún minnir á frjálsa fegurð
og fögru augun þín.
Ég lít þig ljúft í anda,
og ljóminn fylgir þér,
— og bjarmi brosa þinna
sem blessun um mig fer.
Allt, sem er dauft og dapurt,
dregið verður í hlé.
Það fer ei angurvær ómur
um ástanna helgustu vé.
I fjallanna kyrrð og friði
mig faðmaði næturró.
Frá sumri bárust mér endurómar
sem ilmur frá birkiskóg.
NÝ KYNSLÓÐ óskar eftir ötulum
og skilvísum umboðsmönnum. Munið
að Ný kynslóð á erindi til allra.
26
y