Heimili og skóli - 01.02.1962, Blaðsíða 35

HEIMILI OG SKÓLI
27
Sjötug:
Ingibjörg Eiríksdóttir
kennslukona
Þann 23. febrúar átti frú Ingibjörg
Eiríksdóttir sjötugsafmæli. Ingibjörg
er fædd 23. febrúar árið 1892 að Efri-
Þverá í Vesturhópi. Foreldrar hennar
voru þau Ingunn Gunnlaugsdóttir frá
Efra-Núpi í Miðfirði og Eiríkur Jóns-
son frá Stóru-Giljá í Þingi, en annars
ólst hún að nrestu upp að Sveðjustöð-
um í Miðfirði við lítil efni en mikið
ástríki.
Unr tvítugsaldur stundaði Ingibjörg
nám í kvennaskólanum á Blönduósi
en settist síðan í Kennaraskólann og
lauk þaðan prófi vorið 1917. Næstu ár
var hún við kennslu á ýmsum stöðum,
en síðan sigldi hún til Noregs og var
þar við nám í tvö ár. Fyrra árið var
hún við Kennaraháskólann í Þránd-
heimi, en hið síðara við húsmæðra-
kennaraskólann í Stabekk. Haustið
1928 fékk hún stöðu við Barnaskóla
Akureyrar og var þar kennari til árs-
ins 1960, eða sanrfleytt í 32 ár.
Haustið 1932 gekk Ingibjörg að
eiga Steingrím Aðalsteinsson, þáver-
andi alþingismann, en þau slitu sam-
vistum síðar.
Ingibjörg hefur tekið mikinn þátt í
félagsmálum, einkum félagsmálum
kvenna. í kvenfélaginu Hlíf á Akur-
eyri hefur hún verið síðan 1928.
Einnig var hún formaður Sambands
norðlenzkra kvenna um nokkurt skeið,
í Verkakvennafélaginu Einingu síðan
1932 og í Mæðrastyrksnefnd Akureyr-
ar um langt skeið. I öllum þessum fé-
lögum hefur hún lagt fram geysilega
mikið og fórnfúst starf. Þetta hafa þó
aðeins verið tómstundastörf hennar.
Aðalstarf sitt, kennsluna, hefur hún
alla tíð rækt af frábærri skyldurækni