Heimili og skóli - 01.04.1965, Page 8
SNORRISIGFÚSSON, fyrrverandi ndnustjóri:
ÚTVARPSERINDI
IIN DAGINN OG VEGINN
Ekki þarf sérlega athugulan áhorfanda
nú til að skynja það að eitthvað sé bogið
við ástandið á þjóðarheimilinu, — að ein-
hver uggur um framtíðarheill þjóðarinnar
læsi sig um þjóðlíf vort. — Blöðin, sem
segjast vera rödd hennar og samvizka,
fara flest ekki sérlega dult með það, að
meir en lítið sé bogið við ástandið, þótt
misjafnlega opinská séu. En það mun mega
fullyrða, að öll birti þau oft og mörgum
sinnum fréttir af margs konar misferli og
ískyggilegu ástandi, sem vakandi mönnum
er ekki vanþörf á að íhuga og reyna til að
koma sér saman um að ráða bót á. Því að
ekki mun það ætlan neinna, að sæmatidi
sé að fljóta sofandi að feigðarósi, heldur
hitt, að freista þess að stemma stigu við
ófarnaði svo sem framast er unnt og í tíma.
Ekki mun hér tími og enn síður tæki-
færi, til þess að ræða þessi efni að nokkru
ráði, þótt vilji væri til þess. En frá mínum
gömlu bæjardyrum séð, mætti þó ympra
á ýmsu sem vert er að hugleiða, þótt engin
ný bóla sé. — Og mætti þó segja, að af
nógu sé að taka.
En það þykist ég skynja, að ef benda
ætti á eitthvað sérstakt, sem vera mundi
helzta orsök og undirrót að margs konar
misferli og böli í þjóðlífi okkar nú, þá sé
það hin mikla og hóflausa vínnautn. Að
þeim bölvaldi verðum við nú að beina
miklu sterkari athugun og aðgerðum en
hingað til hefur verið gert.
Ég gæti trúað, að við séum flest sam-
mála um þetta, eða a. m. k. mætti við því
búast. Ég tel alveg víst, að allir foreldrar
óski þess, að börn þeirra lendi ekki í klóm
Bakkusar.
En hann er sterkur á svellinu og við
ósammála um leiðir til að skerða vald
hans. — Hin fína tízka er þjónn hans, og í
henni viljum við tolla, hvað sem tautar.
En kannski við gætum orðið sammála
um eitt, — sammála um það, að sleppa
einni auglýsingu, að þegar menn í veizlum
langar til að láta mynda sig og birta þá
mynd, þá geri þeir það án þess að hampa
glasi. — Þetta er ósköp einfalt og útláta-
laust, en gæti verið í áttina, því að for-
dæmi og fín tízka er áhrifarík.
En annars skal ég nú ekki frekar út í
þessa sálma fara, þótt nægilegt efni væri
til, og meir en það.
28 HEIMILI OG SKÓLI