Heimili og skóli - 01.04.1965, Blaðsíða 16
STEINGRÍMUR
BENEDIKTSSON
SKÓLASTJÓRI:
KRISTINFRJEÐIKENHSIA
Þó að kristinfræði væri upphaf og kjarni
almennrar fræðslu, og lestur væri fyrst og
fremst kenndur til þess að menn gætu lesið
Guðs orð, er það fyrir löngu orðin gömul
saga, að aðrar námsgreinar krefjast rúms
innan skólakerfisins, svo að kristinfræðin
hefur verið á stöðugu undanhaldi. Segja
má, að hún sé alger hornreka orðin, þegar
hámark þess stundafjölda, sem henni er
ætlaður, er tvær stundir á viku fjögur síð-
ustu árin fyrir fermingu, og engin stund
ætluð þeirri fræðslu eftir það. Þessi þróun
virðist hafa verið þjáningarlítil hér á landi,
ef borið er saman við þá hörðu baráttu,
sem háð hefur verið í nálægum löndum af
formælendum þessarar námsgreinar. Varla
verður annars vart, en að menn uni þessum
rólegheitum vel. En vegna þess að þau gætu
stafað af andvaraleysi, sem að lokum leiddi
til óbætanlegs tjóns, og eins vegna hins, að
enn leita nýjar og „nytsamar“ námsgreinar
með vaxandi þiinga inn fyrir veggi skólans,
er áreiðanlega ekki ásæðulaust að nema
staðar og hugleiða tilgang og gildi kristin-
fræðikennslunnar.
Sára sjaldan verður maður var við beina
andúð á kristinfræðinni sem námsgrein.
Þvert á móti munu langflestir líta á hana
sem nauðsynlegt mótvægi gegn siðferði-
legri upplausn og afbrotum.
Það er augljóst mál, að því víðtækari
sem þekking manna er, því meira tjóni geta
þeir valdið, ef þá skortir siðferðilegan
skilning, vilja og þrek til að nota þekk-
inguna, sjálfum sér og öðrum til heilla.
Það hlýtur þess vegna að vera ófrávíkjan-
leg skylda heimila, skóla og annarra upp-
alenda að „kenna þeim unga þann veg,
sem hann á að ganga“, og fæstir mundu
mæla gegn því, að til þeirra hluta væri
kristinfræðin allra námsgreina líklegust.
Hitt virðist alltof mörgum hulið, að sið-
ferðilegt takmark má ekki og getur ekki
verið eina takmark kristinfræðikennslunn-
ar, ef hún á að ná tilgangi sínum.
Siðgæði allra þjóða og einstaklinga er
mjög háð guðshugmyndum þeirra og trú-
arafstöðu. Bili trúin og meðvitundin um
hlýðnisskyldu, fellur siðgæðið saman, nema
36 HEIMILI OG SKÓLI