Heimili og skóli - 01.04.1965, Blaðsíða 27

einir áður. Hér kynnast menn ekki öðru en
vináttu og skilningi, en jafnframt föstum
og ákveðnum vilja til að sigrast á ógæfu
sinni og þeirri hættu, sem er henni samfara,
sem sé að dylja sig bak við stamið. Það er
reynt að koma þeim í skilning um, að þeir
komist ekkert áfram með því að segja alltaf:
„Þetta get ég ekki, því að ég stama.“
Leyndar, innibyrgðar hugsanir verða að
koma fram í dagsljósið, svo að hinir stam-
andi einstaklingar geti horfzt í augu við
lífið af hugrekki og bjartsýni. Það getur
oft orðið erfitt að gera sér það Ijóst, að
það er engum til góðs að fela sig á bak við
veikleika sinn, og þykjast oft vera brjóst-
umkennanlegri en maður er. En það er ein-
mitt þetta, sem er hluti af lækningunni.
Dvöl á slíkum skóla einhvern ákveðinn
tíma gefur oft góða raun. Og oft er þessi
góði árangur varanlegur, og nú má fara
að tala um raunveridega lækningu. En oft
sækir aftur í sama horfið. Kannski vegna
þess að hinn stamandi hefur aðeins lært
að breiða yfir, leyna veikleika sínum.
Hræðslan býr inni fyrir, og það er flestu
öðru mikilvægara að hjálpa þessu fólki til
að sigrast á óttanum. Það er enn mikilvæg-
ara en þótt hægt væri að sigrast á staminu
um stundarsakir. Ef hægt væri að koma
sjúklingunum í skilning um, að stamið er
oðeins eitt af mörgum öðrum vandamál-
um, sem menn eiga við að búa, er góðum
áfanga náð. Þá höfum við kennt nemend-
um okkar, að losna við þá sorglegu af-
stöðu: „Að vandamál mitt er hið eina og
raunverulega vandamál, sem við er að
fást.“
^kólaskýrila
barna- og gagnfræðaskóla Reykjavíkur
skólaárið 1963—64. Fræðsluskrifstofa
Reykjavíkur hefur tekið þessa skýrslu
saman, sem er allmikið rit, eða um 100
blaðsíður að stærð. Skýrsla þessi flytur
geysilega mikinn fróðleik um skólahald
í Reykjavíkurborg. Meðal annars sézt þar,
að barnaskólar borgarinnar eru 13, en
gagnfræðaskólar 8. Fastir kennarar við
barnaskólana voru 259, en fastir kennarar
við gagnfræðaskólana 194. Samtals við
barna og gagnfræðaskóla 453. Auk þess er
fjöldi stundakennara.
Þá er þarna ítarleg skýrsla, sem nefnist:
Kennt og lesið í 3. og 4. bekk gagnfræða-
skólanna, einnig er sagt frá ýmsum þátt-
um í skólastarfinu sem eru utan við venju-
legt nám, svo sem lúðrasveitir drengja,
barnalesstofur og sparifjársöfnun skóla-
barna og kemur þar fram, að merkjasala
yfir skólaárið varð 164.603,00 og inn-
stæðuaukning í barnabókum við Lands-
bankann var um 2 milljónir króna.
Þá er þarna forvitnileg skýrsla, sem
nefnist: Fréttir frá skólum og hefur þar
hver skóli sína sögu að segja um ýmislegt
það, sem fram fer, sem ekkert á skylt við
stundaskrána, þetta er hið frjálsa starf,
sem er eins konar salt skólalífsins. Það
yrði of langt mál að skýra frá þessu starfi
hér, en þetta er þó einna eftirtektarverðasti
kafli skýrslunnar.
Loks er svo kafli, sem nefnist Sálfrœði-
þjónusta í barnaskólum Reykjavíkur, tek-
inn saman af þeim Jónasi Pálssyni sál-
fræðingi, sem er forstöðumaður sálfræði-
þjónustunnar og Kristni Björnssyni, sál-
fræðingi, sem er samstarfsmaður hans.
Þarna vinna einnig Guðrún Jónsdóttir fé-
lagsráðgjafi, svo og fastur taugalæknir.
Skýrsla þessi er hin merkilegasta og sýnir
hve þörfin er mikil fyrir sálfræðiþjónustu
í barnaskólum landsins, einkum hinum
stærri.
HEIMILI OG SKÓLI 47