Heimili og skóli - 01.04.1970, Page 7

Fró sýnikennslu, sem höfð vor i samkomuhúsinu ó Akureyri.
hann myndir, sem sýndu talstöðu nokkurra
auðveldustu samhljóðanna. Þessar myndir
sýndi ég dr. Birni Guðfinnssyni. Hann gaf
mér ýmsar góðar ábendingar og hvatti mig
eindregið til að halda áfram. Mörg ár liðu.
Eg notaði myndirnar með góðum árangri
og fann greinilega, að börnin skildu betur
starfsemi talfæranna við lestrarnámið og í
mæltu máli.
Sumarið 1964 hóf ég svo að nýju starf
við ialstöðumyndirnar. Fékk þá í lið með
mér hinn ágæta teiknikennara Gagnfræða-
skóla Akureyrar, Einar Helgason. Við end-
urbættum eldri myndirnar og bættum fjöl-
mörgum nýjum við. Þær sýna myndunarhátt
og myndunarstað allflestra íslenzkra mál-
hljóða. Tvær myndir eru um hvert málhljóð.
Vandasömust reyndist gerð sérhljóðanna,
en í því efni fékk ég mikilsverða hjálp hjá
röntgendeild Fjórðungssjúkrahúss Akureyr-
ar, en starfsfólkið þar annaðist röntgen-
myndun fjarlægustu og nálægustu sérhljóð-
anna samkvæmt mínum framburði.
Hvern þrosha þarf barn að liafa til þess
að teljast hœft til að hefja lestrarnám?
Mikilsvert er að málfarið sé sem lýta-
minnst, og þá einnig það, að barnið kunni
að tjá sig skilmerkilega. Ég met mikils, að
barnið kunni rétt blýantshald og geti beitt
nokkurri færi í meðferð hans. Mjög mikil-
vægt er, að „áttaskyn44 sé því tiltækt.
Sálfræðingar mæla þroska barna og skil-
greina hina ýmsu þætti hans. Greindarþrosk-
ann mæla þeir í stigum. Ég tel, að slíkar
mælingar væri nauðsynlegt að framkvæma
við upphaf lestrarnáms í skólum, og börn-
in síðan flokkuð samkvæmt þeim.
Getur kennari flýtt fyrir þroska nemenda
sinna?
HEIMILI OG SKÓLI
27