Heimili og skóli - 01.04.1970, Síða 14

kynnast sveitastörfum af eigin raun. Fyrstu
8 árin breytast bekkirnir sem minnst, en við
valgreinar, hlutast þeir í sundur og mætast
þá hópar úr mismunandi deildum, er það
gert til þess að nýta húsnæði og kennslu-
kraftana sem bezt.
Kennsluskyldan.
Við smábarna- og barnastig er kennslu-
skylda almennra kennara 30 stundir. Á
þetta einnig við um sérgreinar svo sem: tón-
list, handavinnu o. fl. Auk þess vinna kenn-
arar margt án endurgjalds, og er það fyrst
og fremst við undirbúning kennslunnar, um-
sjón og sem verkstjórar við ákveðna þætti
námsins. í Svíþjóð er algengt að á unglinga-
stiginu hafi einn af kennurum skólans um-
sjón með kennslu í ákveðinni námsgrein og
sé forsvarsmaður hennar á kennarafundum,
kynni sér helztu nýjungar í kennslu þessar-
ar námsgreinar og komi þeim á framfæri
við aðra kennara.
Foreldrafundir.
Viðtöl við foreldra eru oft þannig, að gef-
inn er ákveðinn tími til heimsóknarinnar og
foreldrum gert að koma þennan ákveðna
dag á afmörkuðum tíma. Þegar foreldrarn-
ir svo mæta, þá segir kennarinn oft: „Ja, ég
hef ekkert að athuga við barnið yðar, en við
skulum fylgjast með hvað það hefur gert í
skólanum.“ Síðan er rætt um barnið og
skólagönguna, ásamt tilgangi og markmiði
námsins á yfirstandandi skólaári. Stundum
býður kennarinn nokkrum foreldrum upp á
kaffi og ræðir við þá um skólamálin. í
nokkrum kennslustundum á vetrinum er for-
eldrum heimilt að koma og hlusta á kennslu.
Við marga skóla eru foreldrafélög og starfa
þau í tengslum við skólana, en á öðrum stöð-
um eru ákveðnir foréldrar fulltrúar vissra
bekkjardeilda, hliðstætt og kennarinn. Aðr-
ir foreldrar geta svo snúið sér til þeirra með
kvartanir, sem þeir þurfa að koma á fram-
færi.
Kennaramenntunin.
Stefnan í Svíþjóð í dag, er að kennara-
menntunin verði sérhæfing. Talið er óger-
legt fyrir eina og sömu manneskju að hafa
vald á kennslu á öllum skólastigum, þó er
reynt að hafa sameiginlegt inntak við mennt-
un allra kennara, t. d. uppeldisfræðina. 011
kennaramenntun er nú byggð á stúdents-
prófi, en eins og fyrr segir er möguleiki fyr-
ir fólk frá lýðháskólum að komast inn í
kennaraskólana (bundið ákveðnu prósenti).
Lögð er áherzla á, að fólkið hafi kennslu að
markmiði og það sé tryggt, eftir því sem
hægt er, að þeir fari í kennslu, er útskrifist
úr kennaraskólunum. Kennaramenntunin er
í höfuðdráttum þannig:
1. Smábarnakennarar (fyrir 1,-—-3. skóla-
ár) fara í tveggja ára nám og kenna síð-
an allar greinar nema handavinnu.
2. Barnakennarar (fyrir 4.—6. skólaár)
fara í tveggja og hálfs árs nám og kenna
síðan allar greinar nema: ensku, söng,
leikfimi og handavinnu.
3. Unglingakennarar (fyrir7.—-9. skólaár)
fara í 4 ára sérhæft nám í minnst þrem-
ur greinum.
4. Menntaskólakennarar fara í fimm ára
nám. Af þeim eru 4 fyrstu árin sérhæf-
ingarár í 2 námsgreinum, en fimmta ár-
ið er lögð áherzla á hagnýta uppeldis-
fræði. Kennari, sem lokið hefur þessu
námi, þarf að bæta við sig tveggja ára
námi til þess að ná lektorsgráðu.
34
HEIMILI OG SKOLI