Heimili og skóli - 01.10.1987, Blaðsíða 31

JÖN G. WMRÍNSSON
Námsgagnastofnun hefur gefið út nýja kennslubók handa byrjendum í blokkflautunámi.
Efni bókarinnar skiptist í sex kafla. Fyrstu fjórum köflunum er skipt í námseiningar og nemur hver
kennslustund sem svarar einni opnu í bókinni. Æfingar eru fáar og einfaldar; tónskiptiæfingar
til að æfa fingurna í að loka vel götum flautunnar og æfingar í að tengja saman tóna. Tónasafn
fylgir hverri námseiningu og tákn og merki eru kynnt um leið og þau koma fyrir. í 3. og 4. kafla
koma til breyttir tónar í auknum mæli, erfiðari fingrasetningar og æfingar ásamt tónstigum og
tónstigsæfingum. Á eftir hverjum kafla er upprifjun á þeim táknum og merkjum sem kennd eru
í kaflanum. I tveimur síðustu köflum bókarinnar eru viðbótarverkefni, auk jólasálma og algengra
jólalaga.
Verð bókarinnar er kr. 950,00. - Ef keypt eru 10 eintök eða fleiri er veittur 10% afsláttur.
Bókin fæst ekki afgreidd af úthlutunarkvóta skólanna.
Landafræði - íslandssaga ■ Heimilisfræði
Við viljum vekja athygli á nýjum myndum sem framleiddar hafa verið á vegum Námsgagnastofn-
unar.
Á síðasta ári kom út myndin KANNTU TIL VERKA? Þar er bent á að heimilisstörf eru á ábyrgð
allrar fjölskyldunnar, og sýnt hvernig algengustu störfin eru unnin.
Á þessu ári hafa komið út þrjár nýjar myndir um landafræði islands, JÖKULÁR OG
BERGVATNSÁR, JÖKLAR OG JÖKULROF og SAMGÖNGUR í ÖRÆFASVEIT. Þær fjalla um
myndun jökla og fallvatna, hvern þátt þau eiga í mótun landsins og hvernig þau einangruðu
,,sveitina milli sanda” áður en árnar voru brúaðar.
Myndin LANDNÁM iSLANDSgreinir frá tveimur nútímabörnum sem ímyndasér að þau séu uþþi
á landnámsöld og séu í þann veginn að flytjast frá Noregi til íslands. Falleg mynd sem byggir
að mestu á skuggaleikhústækni og er vel til þess fallin að kveikja áhuga á námi um landnám
íslands.
Við getum jafnframt boðið upp á nýjar erlendar myndir um Brasilíu, dýralíf í A.-Afríku og fleira.
NÁMSGAGNASTOFNUN
PÓSTHÓLF 5192 • 125 REYKJAVÍK