Bæjarblaðið Jökull - 20.12.2018, Blaðsíða 26

dálítið vitlausir.
Þegar maður var búinn að
borða það sem var í skónum,
sem var þá yfirleitt eitthvað
sælgæti, því í þá daga voru
jolasveinarnir ekki jafn með­
vitaðir um tannheilsu og
almenna hollustu eins og nú,
þá var komið að möndlu­
grautnum sem var mikil athöfn
og spennandi. Ég fékk aldrei
möndluna en ég sat oft við
hliðina á einhverjum sem fékk
hana eða beint á móti og það
voru smá sárabætur því þá
hafði ég bara tapað með litlum
mun, sem var gott.
Að möndluathöfninni lokinni
var komið að því að hjálpa til
við að bera út Magna sem var
Tímarit Framsóknarmanna í
Borgarnesi. En það var af
einhverjum ástæðum einskonar
hefð fyrir því að börn flokks­
félaga bæru það út á aðfanga­
dag. Lík lega hafa framsóknar­
mömmurnar bara viljað losna
við börnin á síðustu tímunum
fyrir jól. Þegar þetta var búið þá
komum við heim dálítið köld,
en spennt vegna þess að núna
voru jólin barasta alveg að
koma. Við fengum heitt kakó
og drukkum það meðan við
horfðum á teiknimyndir í sjón­
varpinu. Svo fóru allir í bað og
gerðu sig fína fyrir stóru
stundina sem byrjaði stund­
víslega kl. sex. Við fjölskyldan
fórum alltaf í messu sem byrjaði
þá. Messan stóð líklega yfir í ca.
Einn klukkutíma en ég gæti
svarið, ef ég væri ekki staddur í
kirkju núna að það hafi verið
4­5 tímar svo hægt leið tíminn.
En það var líklega bara gott
fyrir mann að vera þarna til að
róa niður spenninginn. Því
þegar heim var komið þurfti að
borða áður en komið var að
pökk unum sem á þeim aldri
voru jú aðal málið. Við vorum
alltaf með hamborgarhrygg
með öllu, og drukkum gos með
nema pabbi sem drakk Egils
pilsner.
Eftir matinn bað mamma
pabba um að fara inn í stofu og
reykja einn vindil. Pabbi reykti
ekki en átti alltaf kassa af
vindlum sem hétu Bjarni frá
Vogi. Mömmu fannst lyktin af
þeim svo jólaleg. Þegar vindla­
lyktin var komin rann ofur­
stundin upp en þá voru teknir
upp pakkarnir. Sigga systir valdi
pakka undir trénu þar sem þeir
höfðu verið settir fyrr um
daginn, og hún las á þá og rétti
nýjum eiganda . Hún var að
eigin sögn eina manneskjan
sem kunni að gera þá athöfn
alveg rétt nema kannski pabbi
en hann átti skilið að fá hvíld
sagði hún. Að taka upp pakkana
var einhver alsæla sem ekki er
hægt að lýsa með orðum. Við
börnin fengum alltaf akkúrat
það sem okkur langaði mest í
og vorum í skýjunum af ánægju.
Ég gaf pabba alltaf old spice
rakspíra og hann var alltaf mjög
hissa og ánægður. og mömmu
gaf ég alltaf flotta slæðu, hún
var líka alltaf mjög hissa og
ánægð. Já, ég var bara nokkuð
góður í að velja gjafir. Eftir
gjafirnar fengum við alltaf kakó
smákökur og Macintosh. Síðan
sofnaði maður alltaf sæll,
saddur og hamingjusamur.
Næstu dagar fóru svo í jólaboð,
allskonar át og spilamennsku.
Ég held að ég tali fyrir munn
margra þegar ég segi að
jólaminningar æsku okkur séu
einhverja hlýjustu minningar
sem maður á við gerum gott
með því að halda við og skapa
fjölskyldu og jólahefðir hvert í
sinni fjölskyldu.
Takk fyrir mig og gleðileg jól.
Ari Bjarnason
Sameiginlegt jólaball
í Snæfellsbæ
Laugardaginn 29. desember kl. 15:00 - 16.30
verður sameiginlegt jólaball á vegum
félagasamtaka í Snæfellsbæ.
Jólaballið verður á Klifi
Hefðbundin dagskrá:
Veitingar, jólasveinar og dansað í kringum jólatré.
Miðaverð er 500 kr. og enginn posi
Allir velkomnir - Góða skemmtun
Kvenfélag Ólafsvíkur
Kvenfélag Hellissands
Lionsklúbburinn Rán
Lionsklúbburinn Þernan
Lionsklúbbur Nesþinga
Viðburðarríkt ár er senn á enda,
Þorrablótsnefnd ætlar að gera það upp
á Þorrablóti á Kli 2. febrúar 2019.
Þorrablót
2. febrúar