Bæjarblaðið Jökull - 20.12.2018, Blaðsíða 35

Jólagjafir, jólaboð, jóla­
markaðir, kökubakstur, flugeldar,
ferða lög, þrif, skreytingar og
jóla, jóla, jóla. Yfir hátíðirnar er
margt skemmtilegt í gangi enda
jólin hjá mörgum tími samveru
og upplyftingar. Að ýmsu er að
huga og mörg okkar myndu
örugglega vilja vera á nokkrum
stöðum í einu. Jólahaldi fylgir
líka mikil neysla og jafnvel sóun
sem gott er að gera sér grein fyrir
og bera ábyrgð á. Hver kannast
ekki við að hafa keypt aðeins
meira eða annað en raunverulega
var þörf fyrir? Yfirleitt fellur
meira til af rusli á heimilum í
kringum jól og áramót en aðra
daga ársins, en það þarf ekki
endilega að vera svo.
Ýmsar leiðir geta auðveldað
okkur jólahald, minnkað sóun
og verið betri fyrir umhverfi og
heilsu. Við þurfum ekki að fara
fram úr sjálfum okkur við þrifin
og getum einfaldað verkefnin;
veljum umhverfis­ og heilsu­
merktar hreinsivörur eða jafnvel
enn umhverfisvænni hreinsiefni,
t.d. edik og sítrónusafa. Örtrefja­
klútar eru bráðsniðugir til að
þrífa með og geta forðað okkur
frá því að nota sterk hreinsiefni.
Tökum fjölnota pokana með
okkur í öll innkaup og sleppum
öllum óþarfa umbúðum. Hrúgan
af rifnum gjafapappír og öðrum
umbúðum á aðfangadagskvöldi
á það til að koma okkur á óvart,
en við getum haldið henni í
lágmarki. Jólagjafir er hægt að
gefa í fallegum taupokum, í
skreyttum kössum sem hægt er
að nota aftur eða jafnvel með því
að endurnýta dagblöðin sem
falla til á heimilinu. Það getur
líka verið mjög gaman að gefa
upplifun í stað hluta. Áður en við
kaupum, veltum því fyrir okkur,
höfum raunverulega þörf fyrir
þetta? Og ef þetta er gjöf, hver
verða afdrif hennar ­ hvernig
getum við betur stuðlað að góðri
nýtingu, en ekki sóun? Verum
raunsæ við eldamennskuna og
baksturinn, nýtum afganga og
sóum ekki ljúffengum mat.
Síðast en ekki síst, flokkum allt
rusl og komum því í réttan
farveg.
Í desember verða endur­
vinnslu tunnurnar við heimilin
tæmdar 14. desember í Eyja­ og
Mikla holtshreppi, 27. og 28. des­
ember í Snæfellsbæ og 27.
desember í Grundarfirði, Stykkis­
hólmi og Helgafellssveit, með
auka losun í Grundarfirði 18.
desember. Við bendum á að
gáma stöðvarnar eru opnar á
eftir farandi dögum yfir hátíðirnar
og eru íbúar hvattir til þess að
notfæra sér opnunartímana og
koma með allt umfram sorp:
Kæru Snæfellingar, njótum
stundarinnar í faðmi fjölskyldu
og vina – gleðilega hátíð!
Guðrún Magnea Magnúsdóttir,
verkefnastjóri umhverfisvottunar
Snæfellsness
Jólahald og umhverfið
Kæra sóknarfólk í Breiðuvík og Staðarsveit,
góðu grannar nær og ær. Óskum ykkur gleðilegra jóla,
farsældar og friðar á komandi árum.
Hittumst heil, kveðja frá Staðastað. 
Arnaldur, Karna og börnin.