Skinfaxi - 01.05.2024, Síða 10

10 S K I N FA X I
Það er ekki oft sem nýtt ungmennafélag lítur dags-
ins ljós. Þau tímamót urðu í Skaftárhreppi 8. mars
síðastliðinn þegar Ungmennafélagið Ás var stofnað
í Kirkjubæjarstofu. Þetta nýja ungmennafélag tekur
við skyldum og störfum tveggja ungmennafélaga í
Skaftárhreppi, frá Umf. Ármanni, sem var stofnað
árið 1910, og Umf. Skafta, sem var stofnað árið 1971. Ungmennafélagið
Ás er aðildarfélag Ungmennasambands Vestur-Skaftfellinga (USVS).
Fanney Ólöf Lárusdóttir, formaður nýja ungmennafélagsins og fyrr-
verandi formaður Umf. Ármanns, segir að fyrir rúmu ári hafi verið farið
að ræða um sameiningu félaganna og síðastliðið haust hafi umræðan
komist á skrið. Þessi aðdragandi skilaði því að sameiningin var sam-
þykkt samhljóða á fjölmennum stofnfundi 8. mars síðastliðinn í Kirkju-
bæjarstofu á Kirkjubæjarklaustri.
Sameining í fámennu byggðarlagi
Nokkrar ástæður eru fyrir sameiningu ungmennafélaganna. Sú helsta
er að í Skaftárhreppi er einn grunnskóli, Kirkjubæjarskóli, sem öll börn í
hreppnum ganga í. Undanfarin ár hafa börnin í skólanum verið aðeins
rétt um 40.
Fanney segir Umf. Ármann hafa séð um æfingar fyrir börnin á veturna,
fyrir þau yngri á gæslutíma í skólanum og þau eldri strax eftir skóla.
Þessar æfingar hafa verið vel sóttar bæði af iðkendum frá Ármanni og
Skafta. Í kjölfar þess fór Umf. Ármann að bjóða iðkendum úr Skafta
einnig að mæta á sumaræfingar.
„Þetta fyrirkomulag kom vel út fyrir alla. Þá urðu börnin heldur fleiri
á æfingum og allir komust á æfingar sem vildu. Síðan var gert form-
legt samkomulag milli ungmennafélaganna um að æfingar Umf. Ár-
manns yrðu opnar öllum og Skafti tók þá á móti þátt í hluta kostnaðar
við þjálfara. Samstarfið var því orðið nokkuð, til dæmis var farið í það
fyrir einhverju síðan að kaupa sameiginlegan íþróttafatnað og var þá
fatnaðurinn með merki beggja félaganna,“ bætir Fanney Ólöf við.
Byrjaði að kenna börnum blak
Fanney Ólöf er fædd og uppalin í Skaftárhreppi. Sem barn og ungling-
ur var hún nokkuð virk í Ungmennafélaginu Ármanni, enda meðlimur
frá barnsaldri. Sem dæmi hefur Fanney verið virk í hestamennsku á
svæðinu og sat í stjórn Hestamannafélagsins Kóps um árabil.
„Þegar börnin mín fóru að komast á aldur til íþróttaæfinga fór ég að
skipta mér af þessum málum. Ég vildi að íþróttaæfingar væru í boði
fyrir börnin þrátt fyrir að við værum fámenn. Árið 2013 byrjaði ég með
blakæfingar fyrir börn og unglinga á veturna og hafa þær æfingar
verið í boði síðan þá,“ segir Fanney Ólöf og bætir því við að hreyfing
fyrir alla sé henni hjartans mál og þá sérstaklega fyrir börn og unglinga.

Betri saman
Í mars 2023 fóru stjórnir ungmennafélaganna fyrir alvöru að ræða
sameiningu félaganna. Þann sama mánuð átti að halda sameiginlegan
fund sem ekki varð af vegna veðurs og þá tafðist sú vinna.
Þriðjudaginn 31. október 2023 settust stjórnir ungmennafélaganna
svo niður til fundar og fóru yfir málin af fullri alvöru. Þar var ákveðið
að kanna áhuga félagsmanna hjá báðum félögum á sameiningu ung-
mennafélaganna. Áhuginn var mikill og góður. Þar með fóru hjólin að
snúast fyrir alvöru.
Tvö ungmennafélög
sameinuð í eitt sterkt
„Allir voru sammála um að nota kennitölu Ungmenna-
félagsins Ármanns áfram því mun flóknara og meira
mál hefði verið að stofna nýtt félag frá grunni,“ segir
Fanney Ólöf og bætir því við að nafnið, Ungmenna-
félagið Ás, hafi nánast komið af sjálfu sér. „Gunnar
Erlendsson, stjórnarmaður Umf. Ármanns, kom með
hugmynd á sínum tíma að merki fyrir sameiginlegt
körfuboltalið Ármanns og Skafta. Fyrirmyndin að því
merki var hrútur með eitt horn sem fæddist hér í sveit fyrir nokkrum
árum. Í framhaldi af því kom hugmyndin að nafninu Ás fyrir körfubolta-
lið. Upphafsstafir Ármanns og Skafta, ás er númer eitt og svo auðvitað
var hrúturinn með eitt horn,“ segir Fanney Ólöf. Ákveðið var að nota
nafnið Ás einnig fyrir nýtt ungmennafélag og uppfæra merkið í ung-
mennafélagsanda.
Ávinningur í sameiningu
Fanney Ólöf telur ólíklegt að iðkendur finni fyrir mikilli breytingu við
sameininguna því þeir hafi verið á sameiginlegum æfingum í nokkur
ár. Kosturinn er að hennar mati sá að nú eru allir iðkendur undir einu
merki. „Breytingin er sú að núna hættum við að tala um Ungmenna-
Boðið var upp á kaffi og kökur merktar Umf. Ási að aðalfundarstörfum
loknum.
Stjórn Ungmennafélagsins Áss í Skaftárhreppi. Frá vinstri: Kristín Lárus-
dóttir, Bjarni Dagur Bjarnason, Gunnar Erlendsson, Fanney Ólöf Lárus-
dóttir, Konný Sif Gottsveinsdóttir, Sæunn Káradóttir og Bryndís Karen
Pálsdóttir.
Það er kostur fyrir iðkendur í smærri byggðarlögum að æfa undir merkjum sterkara sameinaðs
ungmennafélags, að mati Fanneyjar Ólafar hjá Ungmennafélaginu Ási í Skaftárhreppi.