Skinfaxi - 01.05.2024, Page 22

22 S K I N FA X I
Hópur fólks, 60 ára og eldri, hittist alla þriðju-
daga og fimmtudaga í fimleikasal Ármanns í
Reykjavík og toga sig þar og teygja. Æfing-
arnar eru klukkan 11:00–12:00.
„Öll eru velkomin að koma og prófa. Eina
skyldan er að mæta með góða skapið og vera
tilbúin/n í slaginn,“ segir Eiður Ottó Bjarna-
son, íþróttafulltrúi Ármanns. Æfingarnar hjá
Ármanni hófust árið 2006 hjá Margréti Bjarna-
dóttur, fyrrverandi íþróttakennara, og hafa
þær gengið óslitið síðan.
„Hingað mætir fólk á öllum aldri, sum eru
nýhætt að vinna og önnur komin vel yfir átt-
rætt. Fleiri konur eru að æfa hjá okkur en karlar
eins og er. Það væri gaman að fá fleiri karla á
æfingar,“ segir Eiður. Æfingarnar eru iðkend-
um að kostnaðarlausu og hvetur félagið alla
til þess að kíkja við.
Kaffi eftir hverja æfingu
Mikil fjölbreytni er í æfingunum en áhersla er
lögð á grunnhreyfingar í fimleikum og gerir
hver og einn iðkandi það sem hann treystir sér
til hverju sinni. Helsta markmið æfinganna er
að stuðla að ræktun hreyfibjartsýni til bættrar
líkamlegrar, andlegrar og félagslegrar heilsu,
eins og það er orðað á heimasíðu Ármanns.
Eftir hverja æfingu er boðið upp á kaffi.
„Meira en helmingur þátttakenda sest niður,
fær sér kaffi og spjallar saman um þjóðmálin
eftir tímann,“ segir Eiður, en eins og áður sagði
er ekki síður lögð áhersla á félagslega heilsu-
eflingu í tímunum.
Tveir þjálfarar sjá um æfingarnar: Erla Marý
Sigurpálsdóttir, íþróttakennari í Vogaskóla, og
Jón Sigurður Gunnarsson, margfaldur Íslands-
meistari í fimleikum. Eiður hefur sjálfur komið
að afleysingum, en hann er menntaður íþrótta-
fræðingur. Starfið hefur fengið styrk frá Reykja-
víkurborg í formi launa til þjálfara en húsnæði
og annað er í boði Ármanns.
Fjörug í fimleikum
Um hundrað manns yfir sextugu mætir reglulega á æfingar hjá Ármanni.
„Hópurinn samanstendur af yfir hundrað
skráðum iðkendum en á milli 50 og 60 manns
mætir nær alltaf,“ segir Eiður. Hópurinn hefur
nokkrum sinnum sótt Golden Age Gym Festi-
val, sem er íþróttahátíð fyrir fólk yfir 50 ára. Í
ár fer hátíðin fram í Búlgaríu og stefnir hópu-
rinn á að fara þangað.
Æfingar hjá Ármanni hefjast snemma í sept-
ember og standa til loka maí ár hvert. Í ár tekur
hópurinn þátt á vorhátíð fimleikadeildarinnar
í byrjun júní með sýningu og hefst þá sumar-
fríið í kjölfarið.
Kátir þátttakendur sem fóru á íþróttahátíðina Golden Age Gym Festival í fyrra.
Iðkendur yfir miðjum aldri hjá Ármanni.