Vesturbæjarblaðið - dec 2023, Qupperneq 6

6 Vesturbæjarblaðið DESEMBER 2023
Bíó Paradís hlaut hvatningarverðlaun ÖBÍ réttindasamtaka
en þau voru afhent við hátíðlega athöfn í Mannréttindahúsinu á
alþjóðlegum degi fatlaðs fólks sem haldinn er 3. desember. Bíó
Paradís hlaut verðlaunin fyrir að auka aðgengi ólíkra hópa. Þau
beiti nálgun sem endurspegli nútímalegar áherslur um þátttöku
allra í viðburðum.
Allir salir í Bíó Paradís hafa verið gerður aðgengilegi fyrir
hreyfihamlaða með uppsetningu rampa og lyftu fyrir hjólastóla. Þá
hafa tónmöskvar verið settir í salina en með þeim getur fólk með
heyrnartæki fengið hljóðið beint í tækin. Bíó Paradís býður einnig upp
á sjónlýsingar á bíómyndum fyrir blinda og sjónskerta auk þess sem
fólk með skynúrvinnsluvanda eins og einhverfu getur sótt sérstakar
sýningar en þá eru ljósin deyfð og hljóð og aðstæður stilltar þannig að
það henti betur því fólki.
Bíó Paradís hlaut
hvatningarverðlaun
Öryrkjabandalagsins
Hrönn Sveinsdóttir, framkvæmdastjóri Bíó Paradísar tekur við
verðlaunum úr hendi forseta Íslands, Guðna Th. Jóhannessyni.
Elín Sigrún Jónsdóttir, lögmaður | Tryggvagötu 11, 2. hæð
Sími 783 8600 | elin@buumvel.is | www.buumvel.is
Vantar þig þjónustu
við dánarbússkipti,
sölu og ráðstöfun eigna?
SÉRHÆFÐ
LÖGFRÆÐIÞJÓNUSTA
VEGNA BÚSETUSKIPTA
MEÐ ÁHERSLU Á 60+
Kurr er sumum íbúum í Vestur­
bæ Reykjavíkur vegna breytinga á
stöðumælaskyldu utan venjulegs
vinnutíma. Fyrir þremur árum var
greiðslan fyrir íbúakort sjö þúsund
krónur fyrir árið en nú þremur
árum seinna er hún komin í 30
þúsund krónur fyrir sama tímabil.
Talsverðar umræður hafa m.a.
farið fram um þetta á Facebook
hópnum Vesturbærinn.
Þá hefur framganga
stöðumælavarða verið gagnrýnd
og þeir ásakaðir um hörku við
sektarstörf. Sú orðræða hefur
lengi loðað við þá stétt. Nú þurfa
stöðumælaverðir ekki lengur að
skrifa miða til að setja á bíla sem
þeir sekta heldur eru þeir með þar til
gerða miða sem þeir líma á rúðuna.
Þetta getur flýtt störfum þeirra.
Gjald svæði hafa verið stækkuð
og gjald skyldutíminn lengdur
til klukkan 21 að kvöldi auk
gjaldskyldu á sunnu dögum. Aukin
gjaldskylda á að einhverju leyti
rætur að rekja til þess að íbúar í
Vesturbænum hafa kvartað yfir
því að flest bílasæði í íbúða götum
þeirra hafi flesta eða alla daga verið
undirlögð af fólki sem kemur annars
staðar að til þess að stunda vinnu
í Miðborginni.
Kurr í íbúum vegna
stöðumælinga
Á nýjum stöðumælum er notaður tölvuskjár og lyklaborð og í stað þess
að snúa skífu.
hreinsum
fyrir þig
við
Ægisíðu 115 - Sími 552 4900
hradi@fatahreinsun.is
HRAÐI fatahreinsun
www.fatahreinsun.is
Alhliða fatahreinsun og þvottahús síðan 1966
Hvert bílastæði bílakjallara
Lands spítalans kostar um sjö
milljónir að viðbættum virðis­
aukaskatti. Kostnaður við verkið
er alls um 1.400 milljónir eða hátt
í einn og hálfan milljarð. Um 200
bílastæði verða í húsinu.
Nú þegar búið er að steypa um
helminginn af annarri gólfplötu
af þremur í nýjum bílastæðakjal-
lara við nýjan meðferðarkjarna.
Verklok eru áformuð í lok septem-
ber á næsta ári. Um 7.000 rúm-
metrar af steypu verða þá farnir í
verkið eða álíka mikið og í 100
íbúða fjölbýlishús. Bílakjallarinn
verður á tveimur hæðum og verður
innkeyrslan hjá girðingunni sem nú
skilur milli framkvæmdasvæðisins
og aðliggjandi bílastæða ofanjarðar. Steypuframkvæmdir við nýbyggingu Landsspítalans.
Sjö milljónir á stæði
Vesturbærinn
Tvístefnuakstur verður áfram á
Sólvallagötu, milli Hofsvallagötu
og Hólatorgs. Þessi ákvörðun var
tekin í ljósi niðurstöðu könnunar
á meðal íbúa. Meðal íbúa Sólvalla­
götu voru 90% þeirra sem tóku
þátt í póstkönnun og 85% þeirra
sem tóku þátt í sms­könnuninni
fylgjandi því að hafa Sólvallagötu
áfram tvístefnugötu.
Íbúar Ásvallagötu voru á annarri
skoðun. Þeir voru hlynntir því að
gatan yrði einstefnugata líkt og
samþykkti hafi verið í borgarráði 28.
júní síðastliðinn. Í póstkönnuninni
voru 80% íbúa Ásvallagötu fylgjandi
einstefnu til vesturs í þeirri götu
en meðal þeirra sem tóku þátt
í gegnum sms-könnunina var
hlutfallið 70%. Samgöngustjóri
Reykjavíkur gerði það enn fremur
að tillögu sinni að heimilt verði að
leggja samsíða við götukant sunnan
til í Sólvallagötu sem var samþykkt.
Í samræmi við umferðarlög hefur
tillagan verið borin undir og
hlotið samþykki af lögreglunni á
höfuðborgarsvæðinu.
Áfram tvístefnuakstur
á Sólvallagötu
Tvístefnuakstur verður áfram á Sólvallagötu, milli Hofsvallagötu og
Hólatorgs.
Bílakjallari Landsspítalans