Goðasteinn - 01.09.1988, Side 19

hússins, og hann reyndar tekinn af hjörum, en mannfjöldinn
skipaði sér sunnan við húsið. Ræðumenn stóðu fram við gluggann
og hölluðu sér jafnvel nokkuð út um hann og töluðu til fólksins.
Ræður manna snérust mest um jarðræktarlögin og komst fátt
annað að. Þegar skammt var liðið á fundinn tók Helgi læknir
Jónasson til máls. Þegar líða tók á ræðu hans teygði hann höfuð og
herðar út í áttina til áheyrenda og brast þá í karminum sem kannski
var orðinn feyskinn. Skúla fundarstjóra mun hafa þótt illt í efni ef
úr færi karmurinn og klappaði mjúklega á öxl Helga og vakti
athygli hans á að karmurinn væri best kominn á sínum stað, og tók
Helgi ábendingunni ljúfmannlega. Þá tók og til máls séra Svein-
björn Högnason á Breiðabólstað. Hann var harðskeyttur bardaga-
maður á fundum og mælskur með afbrigðum, enda sagði svo um
hann i gamanbrag sem birtist í Speglinum á sínum tíma: „Svein-
björn sem engu eirir / fallegum bíl í keyrir / sverðtunga Suður-
lands”
Þá stóð upp á fundinum ungur maður og hélt ræðu gegn jarð-
ræktarlögunum. Þetta var Ingólfur á Hellu, síðar alþ.maður og ráð-
herra, og er ekki ólíklegt að þessi Hvolsfundur hafi verið fyrsti stóri
fundurinn þar sem Ingólfur lét til sín heyra. Fleiri tóku til máls sem
ekki verða taldir upp hér, en ekki voru spöruð frammiköllin enda
voru þau mjög tíðkuð á pólitískum fundum á þessum árum.
Fundurinn stóð til kvölds og umræður harðar til enda og mest deilt
um jarðræktarlögin. Loks kom svo rúsínan í pylsuendanum:
Atkvæðagreiðsla skyldi fara fram um jarðræktarlögin. Ekki man ég
hvort tillagan um atkvæðagreiðsluna kom frá Framsóknarmönnum
um að lýsa stuðningi við lögin eða frá Sjálfstæðismönnum gegn
lögunum. Greiða átti atkvæði með handauppréttingu en allt fór
það í handaskolum því ógerlegt var að telja hendurnar sem upp
komu í slíkum mannfjölda, og því síður að hafa gát á því hvort allir
sem réttu upp lúkurnar ættu kosningarétt. Var erfitt að áætla hvor
fylkingin væri fjölmennari.
Eftir nokkurt þref var atkvæðagreiðslan lýst ómark og var nú
horfið að því ráði að telja nei-menn og já-menn gegnum lítið hlið
framan við samkomuhúsið. Teljarar voru skipaðir Helgi Hannes-
son, þáv. kaupfélagsstjóri á Rauðalæk og Þorvaldur Jónsson bóndi
Goðasteinn 2
17