Goðasteinn - 01.09.1988, Page 32
viðri. Nú ríður Þráinn ofan frá Dal eftir eyrunum. Lambi Sigurðs-
son mælti: „Skildir blika við íRauðaskriðum ersólin skín á og mun
þar vera nokkra manna fyrirsát.” „Þá skulum ve'r,” segir Þráinn,
„snúa ofan meðfljótinu ogmunu þeirþá til móts við oss ef þeir eiga
við oss nokkurt erindi.” Snéru þeir þá ofan með fljótinu.”
Snúi þeir ofan með fljótinu, eins og það nú fellur, fara þeir til
þaka og flýja. Aftur á móti eru þetta eðlileg viðþrögð ef fljótið
fellur í vestur. Grjótá er svo vestanlega í Fljótshlíð að þetta lengir
ekki leið á nokkurn hátt.
Nú segir áfram.
„Skarphéðinn mælti: Nú hafa þeir séð oss því snúa þeir nú leið-
inni og er oss nú enginn annar til en hlaupa ofan fyrir þá.”
Það er eðlilegt að hlaupa ofan fyrir þá héðan ef fljótið fellur til
vesturs.
„Kári mælti: Margir munu fyrir sitja og hafa eigi þann veg liðs-
mun sem vér. Eru þeir átta en við fimm.” Snúa þeir nú ofan með
fljótinu og sjá að spöng eryfir niðri og ætla þeir Kári þaryfir. Þeir
Þráinn námu staðar upp frá spönginni á ísnum. Þráinn mœlti:
„Hvað munu þessir menn vilja? Þeir eru fimm en vér erum átta.”
Lambi Sigurðsson mælti: „Þess get ég, aðþó myndu þeir til hætta
þó að manni stæði fleira fyrir. Þráinn fer úr kápunni og tekur af sér
hjálminn. Það varð Skarphéðni, þá erþeir hlupu ofan með fljótinu,
að stökk í sundur skóþvengur hans og dvaldist hann eftir.
„Hví hvikast þér svo Skarphéðinn,” segir Grímur.
„Bind ég skó minn,” segir Skarphéðinn.
„Förum vér fyrir,” segir Kári, „svo líst mér að eigi muni hann
verða seinni en vér.”
Snúa þeir ofan til spangarinnar og fara mikið.
Skarphéðinn spratt upp þegar er hann hafði bundið skóinn og
hafði uppi öxina. Hann hleypur að fram að fljótinu, en fljótið var
svo djúpt að langt var um ófært. Mikið svell var hlaupið upp öðru
megin fljótsins og svo hált sem gler og stóðu þeir Þráinn á miðju
svellinu. Skarphéðinn hefur sig á loft og hleypur yfir fljótið meðal
höfuðísa og stöðvar sig ekki og rennir þegar af fram fótskriðu.”
Svellið var hált mjög, og fór hann svo hratt sem fugi flygi. Þráinn
ætlaði þá að setja á sig hjálminn. Skarphéðinn bar nú að fyrri og
30
Goðasteinn