Goðasteinn - 01.09.1988, Page 90
eins hábölvaður og af er látið. Hvort sem fólk vill nú annars hafa
skrattann sem slíkan í eigin persónu, eða hann sé það illa í mann-
inum sjálfum. Þó er það trú mín að hér séu að verki önnur og betri
öfl. En ekki verður því neitað að draumar eru margvíslegir og boða
ekki alltaf gleði, þvi miður. En það er nú einu sinni svo að lífið er
ekki alltaf dans á rósum. Þess vegna sýna draumar manninum oft
dökku hliðarnar, þeir sýna oft inní framtíðina og stundum virðist
jafnvel sem verið sé að vara mann við ýmsu sem henda kann, þó
maður skilji það kannski ekki alltaf fyrr en eftir á.
Jæja, gott fólk. Það væri hægt að tala endalaust um drauma. Ég
get ekki að því gert að draumar eru mér mjög hugstætt fyrirbæri
og ákaflega áhugavert rannsóknarefni, því að eitthvað, eitthvert afl
hlýtur að liggja að baki þeirra. En þar sem ég er alófær um að leysa
þá gátu, er best að linni.
Að lokum vil ég geta þess með þakklátum huga, að þrátt fyrir allt
hef ég síðustu 20 árin eða svo oft notað tíma úr sumrinu til að
flandra í vökunni um okkar fagra land, þvert og endilangt fram og
aftur. Og sem að líkum lætur mjög marga fagra og tignarlega staði
séð. En ég verð að segja alveg eins og er, að margir minna drauma-
staða taka þó öllu öðru fram. Og fyrir þessa drauma er ég ólýsan-
lega þakklát. Því, þó ég sæti kyrr á sama stað, var ég samt að
ferðast.
Fanný Sigurðardóttir er húsmóðir á Selfossi, í móðurætt undan Eyja-
fjöllum. (Sjá tímaritið Goðsteinn 1980—'81, bls. 79—113.)
88
Goðasteinn