Goðasteinn - 01.09.1988, Qupperneq 174

Keyptur var hitapottur og áformað að fá annan á árinu 1988
ásamt gufubaði. Sér þá loks fyrir endann á þessum framkvæmdum
sem hófust fyrir tíu árum.
Kaup á landi
Hreppurinn keypti land á Hellu af Kaupfélaginu Þór. Með
þessum kaupum á hreppurinn nú allt land sem kauptúnið stendur
á nema örfáar íbúðarhúsalóðir. Einnig á hreppurinn nú allt land í
nágrenni kauptúnsins sem líklegt er að það þurfi að nota á næstu
áratugum.
Kapalkerfi
Þegar hitaveitan var lögð á Hellu lét hreppurinn leggja kapal með
hitaveitunni í þeim tilgangi að taka kapalkerfi í notkun síðar. Nú er
ákveðið að koma þessu kerfi í notkun árið 1988.
Rangvellingabók
Árið 1982 gaf Rangárvallahreppur úr Rangvellingabók. Þetta er
jarða- og ábúendatal í Rangárvallahreppi í tveimur bindum samið
af Valgeir Sigurðssyni á Þingskálum. Nær ritið til ársins 1980 og svo
langt fram sem rakið verður samkv. tiltækum heimildum og prýða
það á fjórða hundrað myndir af nær öllum ábúendum sem myndir
voru til af.
Fyrsta prentun er uppseld og var ákveðið að prenta ritið að nýju
árið 1988. Þetta er hin eigulegasta bók og ættu allir þeir sem vilja
eignast ritið ekki að draga það lengur því þar er mikinn fróðleik að
finna um jarðir og fólk á Rangárvöllum.
Dvalarheimilið Lundur
Á Hellu er dvalarheimili fyrir aldrað fólk sem fimm sveitarfélög
standa að, en það eru hrepparnir milli Þjórsár og Ytri-Rangár auk
Rangárvallahrepps. Þarna eru nú nærri 25 vistmenn.
Nú er í byggingu hjúkrunardeild við dvalarheimilið og er fyrsti
áfangi þeirrar byggingar fokheldur. Stefnt er að því að gera áætlun
um að ljúka þessum hluta byggingarinnar og taka hann í notkun
árið 1990.
172
Goðasteinn