Goðasteinn - 01.09.1988, Page 202
eitthvað kæmi fyrir. Hvassviðrin sem komu vöktu þannig ævinlega
óhug hennar. Við þetta réði hún ekki en löngun hennar var að
vernda og hlúa að.
Börnin hennar sem upp komust fæddust síðan hvert af öðru,
Ástþór, Finnur, Ólafur og Gréta. Þau hjón stóðu samhent að búi
sínu og kenndu börnum sínum að virða búhætti og leggja sig fram
af alúð við hvert verk. Tryggvi bjó lengstum við heilsuleysi, en hann
andaðist 1969. Nokkrum árum áður höfðu systkinin Finnur og
Gréta tekið við búinu, en frá 1969 tóku Ólafur og Bóel kona hans
við búskapnum.
María bjó á heimili þeirra og fylgdist með þörnum sínum,
tengdabörnum, barnabörnum og sumarbörnum, sem höfðu verið
á heimili hennar og hún tekið miklu ástfóstri við. Hún hafði mikið
yndi af að prjóna og prjónaði hún mikið á handsnúna prjónavél á
efri árum. Þannig leið ævikvöldið hennar og hún fann sjálf hvert
stefndi. Af nákvæmni og samviskusemi vildi hún ljúka sínum
prjónaskap áður en hún færi að Vífilsstöðum til lækninga. Það átti
hver og einn nákvæmlega að fá sína flík og lítið langömmubarn sinn
bol til verndar eins og reyndar öll skjólfötin hennar. Dvölin á Vífils-
stöðum var stutt. Á þriðja degi var hún flutt á Landspítalann, þar
sem hún andaðist degi síðar, að kvöldi föstudags 24. október 1986.
Guðbjörg Jónsdóttir
Efri-Holtum, V-Eyjafjallahreppi
f. 07.08 1901 d. 10.10 1987
Guð’ojörg Jónsdóttir fæddist 7. ágúst 1901 hjónunum Jóni Páls-
syni frá Fit og Þorbjörgu Bjarnadóttur frá Gíslakoti, sem þá bjuggu
að Efri-Holtum. Guðbjörg var næst elst í hópi 13 alsystkina og eins
uppeldisbróðurs, en nú eru 8 þeirra eftirlifandi.
Guðbjörg gekk ung að öllum bústörfum og þegar hún varð eldri
hjálpaði hún móður sinni æ meir við húsmóðurstörfin og hlúði eins
og móðir að yngri systkinum sínum. 1914 fluttist fjölskyldan á
Austurbæinn í Ásólfsskála og bjó þar búi með mikilli snyrti-
mennsku og myndarskap.
1934 giftist Guðbjörg eftirlifandi manni sínum Sigurjóni Guð-
200
Goðasteinn