Goðasteinn - 01.09.1988, Qupperneq 204

Efri-Holtum. Margrét var elst í hópi 13 systkina og eins uppeldis-
bróður, en nú eru 7 þeirra eftirlifandi. 1914 flutti hún með fjölskyld-
unni að Ásólfsskála. 1923 giftist hún Sigurði Guðjónssyni frá
Vestur-Holtum og stofnuðu þau sitt heimili fyrst í Vestmanna-
eyjum, en 1928 fluttust þau að Sauðhúsvelli og bjuggu þar síðan.
Þau eignuðust 7 börn og einn fósturson, en misstu 2 börn sín ung.
Sigurður lést 1970 en þá tók sonur þeirra Sigmar við búi. Margrét
naut ævikvöldsins á heimili sonar síns og tengdadóttur og þótti afar
vænt um barnabörnin sem fæddust þar, sem og öll barnabörnin
lengra burtu og ættingja sína og vini sem komu heim til hennar að
Sauðhúsvelli.
Síðustu árin var hún þrotin heilsu og 16. apríl 1987 fékk hún veikt
heilablóðfall og var flutt á Landspítalann í Reykjavík. Þar andaðist
hún 3. nóvember 1987.
Adolf Andersen
Önundarhorni, A-Eyjafjallahreppi
f. 05.12 1913 d. 20.09 1987
Adolf Andersen fæddist 5. desember 1913 foreldrum sínum,
hjónunum Svanlaugu Magnúsdóttir frá Patreksfirði og Jens
Andersen ættuðum frá Hilleröd í Danmörku. Hann var þriðji í röð
fjögurra systkina. Þegar hann var ársgamall flutti fjölskyldan frá
Patreksfirði til Vestmannaeyja, en á öðru ári missti hann móður
sína og yngsta bróður. Á þriðja ári var hann tekinn í fóstur að
Rauðsbakka til Margrétar Jónsdóttur og Jóns Einarssonar hér í
sveit. Þar eignaðist hann sitt æskuheimili og reyndi ungur að vinna
heimili sinu og fósturforeldrum það gagn sem hann kunni. í þögn
vann hann verkin sín og snemma komu í ljós smiðshæfileikar hans
og lagni við öll störf.
Nítján ára fór hann á sína fyrstu vertíð til Vestmannaeyja og sótti
að vinnu víðsvegar. 1939 kom hann sem haustmaður að Sólheimum
í Mýrdal og kynntist þar eftirlifandi konu sinni Kristjönu Geirlaugu
Einarsdóttur. Giftu þau sig 5. júlí 1941. Fyrsta barnið þeirra fæddist
að Sólheimum, Óli Einar, en síðar áttu þau heimili í Vestmanna-
eyjum í þrjú ár. Þar fæddist Jón Már. 1944 fluttu þau að Ytri-Sól-
heimum og stofnuðu sitt bú þar. Adolf kom með timbur með sér í
202
Goðasteinn