Goðasteinn - 01.09.1988, Page 226

við formennsku af honum og stýrði bát frá Sandinum í margar
vertíðir við mikla farsæld. Mun mega telja hann síðasta formann-
inn, sem stýrði vertíðarskipi frá Landeyjasandi. Hann var einnig 17
vertíðir í Vestmannaeyjum. Á efri árum var Guðmundur nokkur
sumur starfsmaður á drengjaheimilinu í Breiðuvík í Rauðasands-
hreppi og leiðbeindi hinum ungu vistmönnum þar til starfa á sjó og
landi.
Hann var hugmaður til allra verka, ósérhlífinn, trygglyndur og
vinsæll, ekki síst meðal barnanna sem umgengust hann. Lögheimili
sitt lét hann skrá í Hólmahjáleigu til hinsta dags. Útför hans var
gerð frá Krosskirkju 8. mars 1986.
Ólafur Bergsteinsson, Árgilsstöðum. Hann var fæddur á Árgils-
stöðum í Hvolhreppi 25. ágúst 1904 og lést á Selfossi 6. júní 1986.
Foreldrar hans voru hjónin Bergsteinn Ólafsson frá Árgilsstöðum
og Þórunn ísleifsdóttir frá Kanastöðum. Föðurætt Ólafs hefur
búið á Árgilsstöðum a.m.k. hátt á þriðja hundrað ár. Hann ólst þar
upp hjá foreldrum sínum ásamt tveimur bræðrum sínum og er nú
aðeins hinn elsti þeirra, Gissur fv. hæstaréttardómari, eftir á lífi.
Á unglingsárum var Ólafur um tíma í Odda á Rangárvöllum við
nám og störf. Fyrri hluta ævi sinnar vann hann búi foreldra sinna
og fór þá einnig til vertíðarstarfa í Vestmannaeyjum í allmörg ár.
Einnig var hann um skeið í Reykjavík og vann þá hjá Skógrækt
ríkisins og var sendur á hennar vegum til starfa allvíða um landið.
M.a. fór hann með börn og unglinga úr Reykjavík í gróðursetn-
ingarferðir til Þingvalla.
Ólafur var mikill áhugamaður um skógrækt og hófst handa
ungur að aldri að planta trjám heima á Árgilsstöðum. Sótti hann
þá bæði reyniviðar- og birkiplöntur í Fiskárgljúfur hjá Sauðhamri.
Við þennan gróðurreit jók hann síðan og hirti með mikilli natni.
Árið 1950 hóf Ólafur að rækta skóg í Krappa í landi Árgilsstaða og
kom þar upp stórri skógræktargirðingu þar sem nú eru fagrir lundir
og vaxandi skógur. Ólafur var um árabil í stjórn Skógræktarfélags
Rangæinga og formaður þess um skeið. Hann fór til Noregs árið
1948 í fyrstu hópferð skógræktarfólks þangað.
Ólafur tók við búi af foreldrum sínum og eftir að móðir hans dó
224
Goðasteinn