Goðasteinn - 01.09.1988, Page 232
Séra Auður Eir Vilhjálmsdóttir,
Kirkjuhvolsprestakall:
Ólafur Sigurðsson
Hábæ í Þykkvabæ
Ólafur Sigurðsson fæddist í Hábæ í Þykkvabæ 13.03 1897 og dó
þar 18.07 1986. Hann hvílir við Hábæjarkirkju. Foreldrar hans voru
Sesselja Ólafsdóttir og Sigurður Ólafsson, bæði úr Þykkvabæ.
Ólafur bjó alltaf í Þykkvabæ, sá þar framfarir, sem gjörbreyttu
lífi fólks og tók sjálfur þátt i þeim. Hann vann undir verkstjórn
föður síns við hina miklu stíflugerð í Djúpósi, sem lauk 1923, og var
í forystu Landþurrkunarfélags Safamýrar, sem stofnað var 1930 og
varð Ræktunarsamband Djúpárhrepps. Er Djúpárhreppur varð
sjálfstæður hreppur 1936 varð Ólafur fyrsti hreppstjóri hans.
Ólafur tók þátt í margvíslegu félagsstarfi Þykkvabæjar, lestrar-
félagi, ungmennafélagi, leiklist og kirkju. Kona Ólafs er Guðrún
Elíasdóttir hreppstjóri og áttu þau einn son.
Sigríður Sigurjónsdóttir
Meiri Tungu, Holtahreppi
Sigríður Sigurjónsdóttir fæddist á Fosshólum í Holtahreppi
27.02 1937. Hún dó 29.07 1986 og hvílir í Árbæjarkirkjugarði.
Foreldrar hennar eru Arndís Eiríksdóttir ljósmóðir og Sigurjón
Jónsson bóndi, sem nú er látinn. Sigríður óx upp í Meiri Tbngu hjá
Þórdísi Þórðardóttur og Bjarna Jónssyni og átti því alltaf tvær
stórar fjölskyldur. Hún gekk í Héraðsskólann í Skógum og lauk
síðan hjúkrunarnámi frá Hjúkrunarskóla íslands 1961. Hún vann
við hjúkrun á Vífilsstöðum, var hjúkrunarforstjóri á Selfossi en
vann lengst á Landsspítalanum. Sigríður menntaðist til skurðstofu-
hjúkrunar og vann að undirbúningi skurðstofu Borgarspítalans.
Hún tók kennarapróf og kenndi um skeið við Hjúkrunarskóla
íslands og var við framhaldsnám og hjúkrunarstörf í Kaupmanna-
höfn, Edinborg og Svíþjóð. Síðast var hún deildarstjóri á Barna-
spítala Hringsins.
230
Goðasteinn