Goðasteinn - 01.09.1991, Blaðsíða 22

Hann hlaut kosningu með 194 atkvæðum, Magnús hlaut 131 atkvæði.
Úrslitin urðu honum mikil vonbrigði en frami beið hans síðar á stjórn-
málabrautinni.
Mannkvæmt var hjá læknishjónunum á Stórólfshvoli að kvöldi kjör-
dagsins. Sr. Kjartan í Holti gisti þar um nóttina, átti leið til Reykjavíkur
að morgni. Magnúsi sýslumanni var þungt í skapi til hans fyrir fylgið
við Sighvat. Um kvöldið vatt hann sér inn í svefnherbergi sr. Kjartans
og læsti að þeim. Brátt heyrðist þaðan reiðileg rödd sýslumanns og var
ekki mulið úr orðum. Sigurður Ólafsson á Núpi var þar fyrir utan og
nokkrir fleiri Fjallamenn. Gerði hann sér hægt um vik, stökk á svefn-
herbergishurðina sem hrökk upp. Inni í herberginu stóð Magnús sýslu-
maður með reidda hnefana yfir prófasti og þuldi yfir honum ómjúk orð.
Kom þá fljótt til kyrrðar. Frá þessu sagði Sigurður á Núpi þáttarhöfundi
og rakti atferli til ölteitis.
Þjóðsagan verður svo að ráða fyrir framhaldi frásagnar. Mælt er að
Magnús sýslumaður hafi beint reiði sinni að Ólafi lækni, er hann hvarf
frá séra Kjartani. Þótti honum Ólafur hafa dugað illa í stuðningi við sig.
Leitaði hann til svefnherbergis Ólafs uppi á lofti og reyndi til inngöngu.
Á Ólafur að hafa komið á móti honum og hrundið honum niður stigann.
Sá sýslumaður þann kost vænstan að halda heimleiðis. Síðar þetta sama
sumar eiga þeir sýslumaður og Ólafur læknir að hafa mæst við vatns-
augað djúpa á Dufþekjubrúnni gömlu. Á Ólafur þá að hafa hlaupið af
baki og hrint hesti og reiðmanni út af brúnni ofan í hylinn. Sæmundur
Einarsson í Stóru-Mörk var síðar á ferð með Ólafi lækni um þennan
sama stað. Varð Sæmundi þá að spyrja um sannindi sögunnar. Ólafur
brosti við og sagði aðeins: „Þetta er nú víst helst til mikið sagt.”
Sæmdundur í Mörk braut í blað með það, hve glatt og bjart hefði verið
yfir Sighvati í Eyvindarholti og föruneyti hans, er riðið var heim frá
kjörfundinum á Hvoli. Sighvatur sat á þingi um sumarið og kosning
hans er ekki ómerk í íslenskri stjórnmálasögu. Frumvarp Valtýinga féll
þá á þinginu á jöfnum atkvæðum í neðri deild alþingis, 11 gegn 11. Sig-
hvatur gaf ekki aftur kost á sér til þingmennsku.
Magnús sýslumaður átti eftir að gista hjá Sighvati og Önnu í Eyvind-
arholti eftir kosningaslaginn. Honum var í allastaði vel tekið en þó lét
Anna húsfreyja sýslumann ekki sjá sig fyrr en að morgni. Þurrlega tók
hún þá kveðju hans og þökk fyrir gistinguna. Þetta var sunnudagur og
20
Goðasteinn