Goðasteinn - 01.09.1991, Blaðsíða 181

Ekki varð Sigurður án áfalla í búskap sínum, og var þar hvað stærst
er útihús brunnu og gjöreyðilögðust árið 1965. Tók hann það áfall mjög
nærri sér og jafnframt fór heilsu hans, sem ekki var sterk fyrir, hrakandi
upp frá því. Hann byggði þó upp aftur, með góðri hjálp nágranna og vina
nær og fjær, og hélt áfram búskap með traustum stuðningi húsfreyjunnar
til vors 1979 er sonur þeirra tók við sem áður sagði. Sigurður átti áfram
heimili í Borgarkoti til dauðadags.
Útför hans var gerð frá Hlíðarendakirkju hinn 23. jan. 1988.
Sr. Hannes Guðmundsson
Fellsmúla
Sr. Hannes var fæddur í Elfros, Sask. í Kanada 23. mars 1923 og lést
á sjúkrahúsi í Reykjavík 23. jan. 1988. Foreldrar hans voru hjónin Guð-
mundur Guðmundsson og Elísabet Jónsdóttir, sem bæði voru ættuð úr
Árnessýslu. Hann fluttist með þeim heim til íslands árið 1925 og var
nokkru síðar tekinn í fóstur til móðursystur sinnar Guðrúnar Jónsdóttur
í Reykjavík og ólst þar upp. Sr. Hannes varð ungur starfsmaður Útvegs-
banka íslands og lengi gjaldkeri þar. Jafnframt stundaði hann nám og
lauk guðfræðiprófi frá Háskóla íslands árið 1955. Þá um sumarið vígð-
ist hann sóknarprestur að Fellsmúla og þjónaði hann því prestakalli til
æviloka. Áður en hann kom að Fellsmúla hafði hann starfað allmikið
að félags- og safnaðarmálum í Reykjavík, var m.a. í allmörg ár í safnað-
arráði Fríkirkjunnar þar. Auk þjónustu sinnar í Fellsmúlaprestakalli
gegndi sr. Hannes ýmsum trúnaðarstörfum í þágu kirkju og héraðs.
Hann átti sæti í héraðsnefnd prófastsdæmisins frá stofnun hennar 1978
og til dauðadags. Hann var formaður Kirkjukórasambands Rang. um
skeið og lét jafnan mikið að sér kveða í menningarmálum í héraðinu,
þjálfaði m.a. kirkjukóra og gekkst fyrir söngmótum. Hann var í þjóðhá-
tíðarnefnd Rang. 1974 og starfaði í heraðsvökunefnd Rangæinga. Hann
var einnig í æskulýðsnefnd prófastsdæmisins og átti mjög gott með að
Goðasteinn
179