Goðasteinn - 01.09.2016, Page 58

56
Goðasteinn 2016
ritstjóri Tímans skrifaði reglulega pistla af erlendum vettvangi og Kóreustríðið
var þar aðal viðfangsefnið. Ég kunni allt um það hvernig gekk með hæð 152,
hvernig hún vannst og tapaðist og vannst aftur, hvernig áhlaupi norðanmanna
á hæð 211 hafði verið hrundið og sóknin að hæð 176 hafði ekki tekist en þurfti
að endurskipuleggja. Ég vissi að Mac Arthur var snjall en hættulega frekur
og nokkuð óþekkur stjórn sinni. Seinna lærðist mér að númer hæðanna voru
bara hæðartölur þeirra á landabréfi en ekki frumlegar nafngiftir. Líklega var
það um svipað leyti sem mér var sögð sagan um danska landbúnaðarráðgjaf-
ann sem fenginn var að ósk Búnaðarsambands og ríkisstjórnar til þess að gera
úttekt á íslenskum landbúnaði. Hann ferðaðist um landið þvert og endilangt
og skoði býlin og ræddi við bændur. Hans skýrsla var stutt: íslenskir bændur
kunna ekkert um landbúnað en vita allt um Kóreustríðið.
Yfir svefnplássi mínu í baðstofunni á Berustöðum hékk falleg mynd af skútu
á siglingu. Ég horfði oft á hana fyrir svefninn og á morgnana í svefnrofunum.
Þegar ég varð sjávarútvegsráðherra lét Anna Stefánsdóttir lagfæra rammann
um hana og færði mér myndina að gjöf. Það fannst mér fallegt og snerti mig
djúpt. Fyrir þann hug sem fylgdi gjöfinni og uppeldið, menntunina og lífs-
reynsluna hjá Önnu og Runólfi verð ég ævinlega þakklátur.
3. janúar 2016.
Hellisop.