Goðasteinn - 01.09.2016, Side 92

90
Goðasteinn 2016
stigin fyrstu skrefin í þessu fyrir tilstuðlan Oddafélagsins. Föstudaginn 5. ágúst
sl. kom Steinunn Kristjánsdóttir prófessor í fornleifafræði við Háskóla Íslands
ásamt fríðu föruneyti í Odda til að gera fyrstu tilraunir með jarðsjá á Oddastað.
Skoðað var ákveðið svæði í kringum hús í Odda og á plönum. Einnig var farið
með jarðsjánna yfir svæði sunn-
an undir kirkjunni þar sem mik-
ið er af ómerktum leiðum. Þessi
fyrsta jarðsjárvinna gekk vel og
Steinunn hefur nú skilað Odda-
félaginu skýrslu með helstu nið-
urstöðum þessarar fyrstu rann-
sóknarvinnu í Odda sem setur
tóninn fyrir framhaldið. Frétt-
næmt er að í þessari fyrstu til-
raun fundust að öllum líkindum
grunnar tveggja eldri kirkna í
Odda.
Í samvinnu við Flugbjörg-
unarsveitina á Hellu var einnig
flogið með myndavélardróna
yfir Oddastað í björtu veðri þann 4. ágúst sl. Þær myndir sem þar náðust eru
geysilega gagnlegar til að greina garða og þústir, misfellur í landslagi og alls-
kyns mynstur. Það verður spennandi að vinna úr þessum gögnum á næstunni
og skipuleggja frekari rannsóknarvinnu í Odda. Það er Oddafélagið sem stend-
ur að þessari vinnu með góðum tilstyrk frá Héraðsnefnd Rangæinga.
Upplýsingar um Oddafélagið
– þurfum fleiri öfluga liðsmenn
Við höfum nú opnað einfalda heimasíðu fyrir Oddafélagið á slóðinni www.
oddafelagid.net þar sem safnað er því sem tengist félaginu og fréttir af starfinu
eru birtar.
Jafnframt höldum við úti Facebook síðu fyrir félagið í sama tilgangi. Hvet
ykkur til að kíkja þarna inn af og til og láta heyra í ykkur með hvaðeina sem
að gagni mætti koma til eflingar Odda á Rangárvöllum. Þá hvet ég ykkur til að
segja vinum og kunningjum frá starfi Oddafélagsins – það vantar alltaf fleiri
öfluga liðsmenn til að leggjast á árarnar!
Gerum Odda á Rangárvöllum að miðstöð menningar á nýjan leik.