Goðasteinn - 01.09.2016, Qupperneq 120

118
Goðasteinn 2016
arstjórn að ráðinn yrði markaðs- og kynningarfulltrúi til sveitarfélagsins. Það
var gert og því ástæða fyrir markaðs- og kynningarfulltrúa að kynna sig og
þau verkefni sem væru á döfinni auk þess að heyra hvað brynni á ferðaþjón-
ustuaðilum í Rangárþingi ytra. Þá var rætt um hvort áhugi væri fyrir hendi
á að stofna til formlegs samráðshóps ferðaþjónustu í Rangárþingi ytra sem
jafnframt myndi vinna að kynningarefni. Ákveðið var að fyrsta skrefið í því
væri að stofna til facebook-hóps þar sem ferðaþjónustuaðilar gætu deilt upp-
lýsingum sín á milli og ákveðið að hópurinn fengi nafnið „Slagkraftur – ferða-
þjónusta í Rangárþingi ytra“. Það sem helst brann á ferðaþjónustuaðilum voru
samgöngur í sveitarfélaginu og upplýsingamiðlun. Einnig það að spýta þarf í
lófana og kynna landsbyggðina enn betur á móti höfuðborgarsvæðinu, lang-
flestir ferðamenn sem koma í Rangárþing ytra eru dagsferðamenn frá höf-
uðborgarsvæðinu sem ekki hafa næturdvöl á svæðinu. Beint kynningarefni um
sveitarfélagið vantar svo upplýsingagjöf verði markvissari og taki styttri tíma.
Einnig var hvatt til þess að merking sögustaða verði efld og hugað yrði að sam-
antekt upplýsinga sem einungis eru geymdar í munnmælum og eru óðum að
glatast með elstu íbúum sveitarfélagsins. Áhersluverkefni sem rætt var um að
lægju fyrir voru m.a. Power and purity bæklingur, Fornminja – appið, teiknað
upplýsingakort af Hellu, uppbygging áfangastaða við Þjófafoss og Ægisíðufoss,
uppsetning listaverka- fjórir hestar í fullri stærð og vinnsla áætlunar um upp-
byggingu áfangastaða.
Í úthlutun hins mikilvæga Uppbyggingarsjóðs Suðurlands sl. vor hlutu átta
verkefni í Rangárþingi ytra styrk samtals að upphæð rúmlega 3.5 milljónir
króna Uppbyggingarsjóður Suðurlands er samkeppnissjóður sem hefur það
hlutverk að styrkja menningar- og nýsköpunarverkefni í landshlutanum. Verk-
efnin sem hlutu styrk voru Aðgengi og umhverfi að Hellnahelli – frumhönnun;
Ónumið land – tækifæri suðurstrandar frá Markarfljóti að Þjórsá; Þjálfun á
þjónustuhundum; Spunasystur; Leikfélag Rangæinga – leiksýning haust 2016;
Glæsileiki gangtegundanna; Sumar í Odda og Hringur syngur á Suðurlandi.
Það er virkilega ánægjulegt að sjá hversu öflugir íbúar Rangárþings ytra eru í
að koma verkefnum af stað og verður spennandi að sjá framhaldið.
Eitt af skemmtilegum verkefnum sem hrundið var í framkvæmd á árinu
er „Fornminja-Appið“ en það er snjallforrit sem býður upp á gönguhring um
Hellu og leiðir fólk áfram eftir að búið er að hlaða því niður. Áhersla er lögð á
sögu Hellu á fyrstu árum þorpsins. Saga Hellu er ekki ýkja löng en þar hefur
þó verið bóndabýli í nokkrar aldir. Verkefnið er samstarfsverkefni Rangárþings
ytra, Fornleifastofnunar Íslands ehf. Minjastofnunar Íslands og Wapp appsins.
Veðrið var eins og best var á kosið þegar fjöldi manns fagnaði sumrinu að