Goðasteinn - 01.09.2016, Síða 125

123
Goðasteinn 2016
samstarf við önnur sveitarfélög
Rangárþing ytra er aðili að Sambandi íslenskra sveitarfélaga og tekur þátt í
starfi á vegum þess. Þannig mættu til að mynda allir sveitarstjórnarmenn okk-
ar á Fjármálaráðstefnu sambandsins sl. haust en sú samkoma er afar gagnleg,
fólk hittist og fræðist. Þá er Rangárþing ytra aðili að samtökum Sunnlenskra
sveitarfélaga og tekur þar virkan þátt. Mikilvæg hagsmunamál eru þar rekin
sameiginlega s.s. almenningssamgöngur á Suðurlandi en samstarf Sunnlenskra
sveitarfélaga er víðtækara og m.a. rekið í byggðasamlögunum Bergrisinn bs um
málefni fatlaðra og Heilbrigðiseftirliti Suðurlands bs. Innan Rangárvallasýslu
vinna sveitarfélögin þétt saman m.a. í gegnum Héraðsnefnd en þar eru m.a.
vistuð málefni Tónlistarskóla Rangæinga, Héraðsskjalasafnsins og sameig-
inlegra eigna s.s. í Skógum og á Stórólfshvoli. Önnur mikilvæg verkefni í sam-
rekstri þessara sveitarfélaga eru Sorpstöð Rangárvallasýslu, sem nú stendur í
mikilli uppbyggingu á Strönd og Brunavarnir Rangárvallasýslu. Sú breyting
varð á starfsemi Brunavarna á árinu að ráðinn var nýr slökkviliðsstjóri, Leifur
Bjarki Björnsson, honum fylgja góðar óskir í mikilvægu starfi.
smíðað á Lundi
Unnið er af
kappi við að klára
nýja viðbyggingu
við Hjúkrunar- og
dvalarheimilið
Lund á Hellu og
standa áætlanir til
að verkið klárist
upp úr næstu ára-
mótum. Samið var
við Smíðanda ehf.
um seinni áfanga
verksins en sami
aðili reisti fyrri
áfangann sem lauk
á vordögum. Verk-
efnið er samstarfsverkefni ríkisins, Rangárþings ytra og Ásahrepps en fjár-
magnið kemur að hluta úr Framkvæmdasjóði aldraðra.
Viðbygging rís, Gestur verktaki hjá Smíðanda ehf og Drífa Hjart-
ardóttir formaður stjórnar Lundar fara yfir málin. Ljósmynd: Rang-
árþing ytra