Goðasteinn - 01.09.2016, Blaðsíða 138

136
Goðasteinn 2016
miði að nýting hússins verði meiri og betri og viðhald með skipulegri hætti.
Eins og ævinlega stóð Umf. Merkihvoll fyrir bráðskemmtilegum 17. júní há-
tíðahöldum á Brúarlundi.
Starfsemi Umf. Garps var með svipuðu sniði og síðastliðin ár. Boðið var upp
á æfingar í frjálsum íþróttum, glímu, fótbolta, borðtennis, badminton og blaki
yfir veturinn. Frjálsíþróttamaður Garps 2015 var valin Jana Lind Ellertsdóttir.
Hún var öllum öðrum duglegri að keppa á árinu, keppti á HSK. móti unglinga
og fullorðinna, meistaramóti unglinga utan- og innanhúss, bætti sig í 5 grein-
um á árinu og skilaði auk þess ómetanlegu starfi fyrir liðið sitt í hvatningu og
baráttugleði.
Starf Umf. Framtíðarinnar var öflugt á árinu og leikjakvöldin sérstaklega
vinsæl. Þá var staðið fyrir zumba-námskeiði, farið í ævintýrabátsferð á Kálfa-
læk í Þykkvabæ og fjölmennt í leikhús að sjá Línu langsokk. Á hverju ári hefur
ungmennafélagið staðið fyrir 17. júní hátíðarhöldum ásamt kvenfélaginu Sig-
urvon. Að venju byrjaði dagurinn á kvennahlaupi ÍSÍ og var mætingin mjög
góð að þessu sinni. Á eftir voru grillaðar pylsur og fjölgaði þá í hópnum. Allir
mættu svo í betri fötunum í íþróttahúsið þar sem hátíðarhöldin fóru fram. Mik-
ið fjölmenni sem kom víða að tók þátt í afar skemmtilegri hátíðardagskrá.
Af aksturs-
íþróttum er það að
frétta að Sindra-
torfæran fór fram
á hefðbundnu
svæði FBSH. rétt
austan við Hellu
í maí eins og æv-
inlega og tókst vel
og var feykivel
sótt. Þessi keppni
á sér áratuga sögu
og hefur Flugbjörgunarsveitin átt veg og vanda að utanumhaldi alla tíð og er
keppnin sveitinni til mikils sóma.
Af hestaíþróttum er margt tíðinda enda Gaddstaðaflatir eitt helsta keppnis-
svæði hestamanna á landinu auk þess sem í Rangárþingi ytra er mikið af keppn-
isfólki í fremstu röð svo ekki sé talað um öll ræktunarbúin sem hér eru. Haldin
voru ótal mót af ýmsum gerðum en gaman er að nefna sérstaklega Áhugamanna-
mót Íslands sem er orðinn fastur og vel sóttur liður á ári hverju. Harðsnúið lið
sótti Landsmót hestamanna á Hólum og komu Rangæingar hlaðnir verðlaun-
Sprett úr spori á Hellu. Ljósmynd: Rangárþing ytra.