Goðasteinn - 01.09.2016, Page 159

157
Goðasteinn 2016
vel heppnaða tónleika bæði að vori og um jólin. Barnakórinn tók t.d. þátt í setn-
ingu Friðarhátíðar Reykjavíkurborgar og söng í ráðhúsinu í Reykjavík.
Hátíðir í sveitarfélaginu
Sumardagurinn fyrsti var haldinn hátíðlegur með ýmsum uppákomum
t.d. firmakeppni Hvolhreppsdeildar Geysis, hestakaffi og flóamarkaði Kven-
félagsins Einingar og í til-
efni Jarðvangsviku var boðið
upp á gönguferð um Fljóts-
hlíð undir leiðsögn Þorsteins
Jónssonar. 17. júní hátíð-
arhöldin fóru fram með svip-
uðu sniði og fyrri ár, bæði
í þétt- og dreifbýli. Ásta
Þorbjörnsdóttir frá Grjótá í
Fljótshlíð hlaut viðurkenn-
ingu og afreksbikar Fljóts-
hlíðar á 17. júní hátíð Fljóts-
hlíðinga. Viðurkenninguna
hlaut hún fyrir að varðveita
menningarverðmæti en hún hefur safnað saman ljóðum Helgu Pálsdóttur frá
Grjótá í bók sem verður gefin út nú síðsumars. Í umsögn nefndarinnar segir
m.a. „Það er vel við hæfi nú á 100 ára afmæli kosningaréttar kvenna að halda
á lofti verkum einnar af hinum dæmigerðu íslensku alþýðukonum sem margar
hverjar voru hæfileikaríkar en sökum hógværðar og lítillætis höfðu sig lítið eða
ekkert í frammi“.
Jazz undir fjöllum var haldin í tólfta sinn í júlí og má segja að hátíðin hafi
verið alþjóðlegri en oft áður. Fram komu tónlistarmenn í fremstu röð frá Ís-
landi, Danmörku og Svíþjóð. Það er Sigurður Flosason sem á veg og vanda af
hátíðinni ásamt Byggðasafninu á Skógum.
Hvolsvöllur.is hátíðin er bæjarhátíð í lok júní sem þær Arna Þöll Bjarnadótt-
ir og Brynja Erlingsdóttir eiga veg og vanda að. Á hátíðinni var skemmtileg
dagskrá fyrir alla aldurshópa, m.a. var útiljósmyndasýning 860+ klúbbsins
opnuð formlega, gamlir bílar og dráttarvélar óku um Hvolsvöll, Elvar Andr-
ésson spilaði á harmoníku fyrir gesti og þrjár skemmtilegar hljómsveitir komu
fram um kvöldið.
Kjötsúpuhátíðin var haldin í lok ágúst og var metfjöldi gesta á hátíðinni.
Ásta frá Grjótá með afreksbikarinn.