Goðasteinn - 01.09.2016, Page 167

165
Goðasteinn 2016
Ágúst Ólafsson
Ágúst Ólafsson var fæddur í Hafnarfirði 10. janúar
1953. Foreldrar hans eru Ólafur Th. Ingimundarson
fæddur 1927 og Guðbjörg Inga Ágústsdóttir fædd
1932. Systkini hans eru: Guðríður Gía og Jóhannes.
Hann ólst upp í Hafnarfirði og gekk þar í barnaskóla.
Hann var mörg sumur sem barn með fjölskyldu sinni
á Tálknafirði og sem unglingur í sveit á sumrin á
Hvalsskeri við Patreksfjörð. Hann vann ýms störf
þar til hann hóf nám í Iðnskólanum í Reykjavík, lærði þar prentiðn og lauk síð-
ar meistaraprófi. Hann vann um tíma hjá Gutenberg og síðar Vörumerkingu.
Eftirlifandi eiginkona hans er Jónína Ragnheiður Grímsdóttir fædd 1956. Börn
þeirra eru: Guðbjörg Inga, Ágúst Már og Grímur Örn. Fyrir átti Ágúst þrjár
dætur þær Tinnu, Brynju og Rakel Hrund. Þau Ágúst og Jónína hófu búskap
í Hafnarfirði og bjuggu þar til ársins 1986 er þau tóku sig upp og fluttust til
Hafnar í Hornafirði. Þar unnu þau hjón saman og ráku Prentsmiðju Horna-
fjarðar. Á sama tíma flutti einnig Jóhannes bróðir hans með sína fjölskyldu og
voru þeir bræður samhentir í mörgu þar. Áttu þau góðan tíma fyrir austan og
var alltaf hlýtt til Hornafjarðar.
Hann var oft nefndur með starfsheiti sínu, Gústi prentari, enda vann hann
sína iðn vel. Inn við beinið var hann þó mikill bóndi í sér og hefði á einhverj-
um tímapunkti viljað eignast jörð og vera með búskap. Þá hefði hann getað
lifað í takti við náttúruna og algjörlega í eigin tímabelti sem hefði hentað hon-
um vel. Þau hjón voru samhent og gekk vel að vinna saman. Árið 2006 fluttu
þau frá Hornafirði og keyptu Prentsmiðjuna Svartlist á Hellu á Þrúðvangi og
bjuggu þau á hæðinni fyrir ofan.
Sameiginlegt áhugmál og hugðarefni þeirra hjóna var hestamennskan og
stór hluti af lífi þeirra. Átti Gústi þar sínar griðar- og gæðastundir og ekki
hvað síst vegna hins góða félagsskapar sem því fylgir. Hestamennskan var
honum samofin á margan hátt, hann vildi ávallt vera vel ríðandi og hafði mikið
gaman af hestaferðunum. Líklega var hann búin að fara flestar þær reiðleið-
ir sem farnar eru hér á Suðurlandi. Hann starfaði með Hestmannafélaginu
Geysi í Rangárvallasýslu. Hann var einnig félagsmaður í Hestamannafélaginu
Hornfirðingi, til margra ára formaður þess félags og sinnti því hlutverki afar
vel. Hann stjórnaði og stýrði stórmótum og öðrum mótum eða uppákomum
á vegum félagsins og keppti sjálfur. Það var einnig dýrmætt fyrir félagið að