Goðasteinn - 01.09.2016, Qupperneq 173

171
Goðasteinn 2016
afmælisdaga, það kom enginn í heimsókn öðruvísi en að skrifa í afmælisdag-
bókina sem lá á góðum stað í eldhúsinu.
Daníel og Erla eignuðust þrjú börn, þau eru: Sigurður Jón fæddur 1959 eig-
inkona hans er Soffía Bragadóttir, þau eiga þrjár dætur og eitt barnabarn. Kol-
brún Kristín fædd 1964 hún á þrjú börn. Hafrún Inga fædd 1968 eiginmaður
hennar er Gunnar Valdimarsson, þau eiga 2 börn og 2 barnabörn.
Daníel hafði alltaf gaman af því að vera með sauðfé, var mikill bóndi og
var sauðféð mikið áhugamál og átti oft hug hans allan. Þegar Erla kona hans
lést árið 1997 hætti hann með kartöfluræktina og var eingönu með sauðfé og
alltaf nokkur hross. Honum þótti ekki síður vænt um hundana sína, Bobbana
eins og hann kallaði þá. Hann fór eftir að hann hætti kartöflubúskap að vinna
í Reykjagarði á Hellu. Hann var afar vinnuamur og þrátt fyrir að vera komin á
þennan aldur vann hann erfiðsvinnu. Hann var ávallt stundvís og alltaf mættur
klukkutíma áður en hann átti að mæta og var því mættur kl. fjögur að nóttu
áður en slátrun hófst klukkutíma síðar. Í Reykjagarði vann hann í bókstaflegri
merkingu þar til heilsan leyfði það ekki lengur. Pípan var hans fylgihlutur frá
því elstu menn muna og aldrei langt undan.
Það var alla tíð gestkvæmt í Búð II. Það var góð hefð sem skapaðst þar
á bæ fyrir áratugum síðan að nágrannar komu nær daglega í molakaffi. Það
hafa því oft við eldhúsborðið myndast fjörugar umræður og alltaf á borðum
molasykur eða jafnvel suðusúkkulaði, alla vega eitthvað sætt en Daníel var afar
hrifinn af öllu sætabrauði, vínarbrauði. Daníel hafði sterkar skoðanir og sagði
nákvæmlega sínar meiningar bæði við eldhúsborðið og annars staðar. Hann
var sannarlega ekkert alltaf allra og annað hvort kunni hann við fólk og átti
við það góð samskipti eða hann gerði það ekki og var þá ekkert að skipta sér
af því. Hann var mikill húmoristi og gat grínast oft í fólki, var einnig harður
gagnrýnandi og gerði alveg mannamun en það var svo skemmtilegur hluti af
hans litríka persónuleika. Það var eðlilega í svo góðu samfélagi sem ríkt getur
í Þykkvabænum að margir reyndust honum vel þegar hann bjó einn.
Daníel lést 15. júní 2015 á Heilsugæslunni á Hellu og var útför hans gerð frá
Þykkvabæjarkirkju 23. júní.
Sr. Guðbjörg Arnardóttir