Golf á Íslandi - 01.07.1990, Blaðsíða 6

Golfvöllurinn í Grafarholti.
900 FÉLAGAR í GOLF-
KLÚBBI REYKJAVÍKUR
„Þótt fjölgun félaga í Golf-
klúbbi Reykjavíkur hafi fært
okkur vandamál, þá er hún af
hinu góða. Hjá okkur hafa
komið inn um 100 nýir félagar
á hverju ári að undanförnu,
einhverjir hafa að sjálfsögðu
hætt í klúbbnum, þannig að
árleg fjölgun undanfarin ár
hefur verið á bilinu 50-100
manns. Félagar í GR eru í dag
um 900 talsins, og klúbburinn
því fullsetinn. Við urðum að
visa frá fólki á síðasta ári með
þeim orðum að það komi inn í
ár, og í dag tökum við ekki inn
í klúbbinn fleiri en þeir eru sem
hætta“ segir Guðmundur
Björnsson formaður Golfklúbbs
Reykjavíkur.
„Þessi mikli fjöldi félaga þýð-
ir auðvitað óhemju álag á völl-
inn í Grafarholti. Menn geta
ekki komist út að spila þegar
þeim sýnist, heldur þurfa að
panta sér rástíma. Bráðabirgða-
völlur okkar á Korpúlfsstöðum
hefur bjargað miklu, en sá völlur
er 12 holur og er langt frá því að
vera í sama gæðaflokki og Graf-
arholtið“.
— En það eru stórfram-
kvæmdir framunda, ekki rétt?
„Jú, borgin er búin að úthluta
okkur landi fyrir 18 holu völl í
Grafarvogi þar sem öskuhaugar
borgarinnar eru í dag. Það er
gott land niður við sjó sem mun
gefa okkur möguleika að spila
golf allt árið. Nú er í gangi frum-
hönnun á þeim velli og við stefn-
um að því að hefja þar fram-
kvæmdir á næsta ári. Fram að
þeim tíma verður þar grafið
sorp, og við vonumst til þess að
eiga gott samstarf við borgina á
þeim tíma m.a. varðandi það
hvernig sorpið verður urðað,
þannig að á staðnum verði til
landslag fyrir golfvöll.
Við höfum einnig fengið við-
bótarland í Grafarholti þar sem
koma má fyrir litlum 9 holu velli
með par-3 holum. Það land er
hinsvegar þannig að það verður
mjög kostnaðarsamt að vinna
það, og fullvíst má telja að við
einbeitum okkur að Grafarvogs-
vellinum fyrst í stað“.
Guðmundur sagði að helsta
vandamálið í Grafarholti væri
varðandi grjót sem sífellt kemur
upp úr brautunum. „Þrátt fyrir
áratuga þrotlaust starf sér aldrei
fyrir endann á þessu og við erum
í Grafarholti í erfiðasta golfvall-
arlandi sem fyrirfinnst hér á
landi“.
— Njótið þið mikils stuðnings
bogaryfirvalda?
„Mér finnst ánægjulegt að
geta komið því að hér, að borg-
aryfirvöld hafa sýnt mjög vax-
andi skilning á okkar starfi und-
anfarin ár, og það ber að þakka.
Menn gera sér grein fyrir því að
golf er ekki bara fyrir einhvern
þröngan hóp sérvitringa heldur
fjöldann. Við getum líka bent á
mikilvægi þess að Reykjavíkur-
borg geti boðið upp á góða golf-
aðstöðu, það er mjög mikilvægt
fyrir borgina sem borg sem vill
taka vel á móti ferðamönnum“
sagði Guðmundur.
Guðmundur Björnsson
6
GOLF Á ÍSLANDl