Helgarpósturinn - 28.08.1986, Blaðsíða 12

H yrir skömmu var auglýst laus til
umsóknar lektorsstaða í heimspeki
við heimspekideild háskólans. Um
hana sóttu þrír menn, lærðir á ýms-
um sviðum heimspekinnar, Erlend-
ur Jónsson, Michael Karlsson
Marlies og Hannes H. Gissurar-
son. Til að vega þessa menn og
meta var að venju skipuð dómnefnd
og sátu í henni heimspekingarnir
Vilhjálmur Arnason, Eyjólfur
Kjalar Emilsson og Halldór Guð-
jónsson, stærðfræðingur og
kennslustjóri Háskólans. Nefndin
skilaði áliti sínu nýskeð og kom það
ýmsum á óvart uppi í Háskóla; Hún
dæmdi Michael Karlsson best hæf-
an til að gegna lektorsembættinu,
Erlend Jónsson síður hæfan, en
Hannes Gissurarson óhæfan. Nú eru
þetta allt hinir mætustu menn —
Michael sem er Bandaríkjamaður
að ætt hefur kennt við Háskólann
um árabil, Erlendur er doktor frá
Cambridge og Hannes doktor frá
Oxford, einsog alkunnugt er. Þykir
mörgum skrítið hvernig nefndinni
er stætt á því að dæma Hannes
óhæfan, ekki síst þegar litið er til
þess að í henni sitja menn sem hafa
minni menntun en hann og líka
menntun á öðru sviði. Hitt þarf svo
kannski ekki að koma neinum á
óvart að Hannes er uppá kant við
ýmsa lærdómsmenn í heimspeki-
deild, og þeir kannski ekki síður
uppá kant við hann. . .
birtast á sjónvarpsskjánum nú í
haust, reyndar í nýju hlutverki. Það
er Helga Möller, söngkona og
þriðjipartur lcy-hópsins, sem mun
skemmta yngstu áhorfendunum í
vetur í einum elsta dagskrárlið sjón-
varpsins, nefnilega Stundinni okk-
ar. Helga verður sumsé einn um-
sjónarmanna þess þáttar.. .
Þ
orsteinn Pálsson fjármála-
ráðherra á ekki sjö dagana sæla um
þessar mundir. Framsóknarmenn
munu vera afskaplega þreyttir á ráð-
herranum, sem þykir láta reka of
mikið á reiðanum og gera lítið að
því að taka röggsamlega af skarið
varðandi fjárlög næsta árs. Fyrirsjá-
anlegt er að erfitt verður að sauma
fyrir öll göt í fjárlagagerðinni og
enginn efast um að Þorsteinn sé í lítt
öfundsverðri aðstöðu, en mönnum
finnst skorta ákveðni og hörku í
framgengni hans.
Það er hins vegar síður en svo al-
vont fyrir Framsókn að Þorsteinn
klúðri fjárlagagerðinni. Telja sumir
sig meira að segja sjá þarna ástæðu
þess að Steingrímur Hermanns-
son vill draga kosningar fram yfir
áramót, því að fjárlagafum Þor-
steins muni hrista slatta af atkvæð-
um af Sjálfstæðisflokknum á
þessu tímabili. . .
|k|
I ú á dögunum var tekinn
upp enn einn þátturinn í röðinni
Kvöldstund með listamanni. Þar
áttu orðastað tveir ástsælir rithöf-
undar sitt af hvoru kyninu, Stein-
unn Sigurðardóttir spurði Guð-
berg Bergsson spjörunum úr und-
ir upptökustjórn Viðars Víkings-
sonar. I þættinum mun áreiðanlega
margt spaklegt bera á góma og
bóka má að Steinunn spyrji Guð-
berg út í kynni hans af Gabriel
García Márquez, en Guðbergur
hefur sem kunnugt er þýtt mörg
af hans þekktustu verkum yfir á ís-
lensku. Hitt vita kannski færri að
þeir kynntust á Spáni fyrir margt
löngu þar sem þeir gengu saman í
háskóla og Márquez var enn
óþekktur. Ber hann svo mikið traust
til Guðbergs að hann sendir honum
bækur sínar í handriti til yfirlestrar
og umþenkingar...
||
■ Hornfirðingar eru að von-
um hvekktir á tilraunum sínum til
togarakaupa. Þar hafa útgerðar-
menn í samvinnu við kaupfélagið,
hreppinn og aðra digra sjóði boðið í
hvern togarann á fætur öðrum sem
ríkisábyrgðarsjóður hefur verið að
selja en engan fengið og þó verið
með hærri tilboð en þeir sem fengu
togarana. Um er að ræða raðsmíða-
skipin sem Hjörleifur Guttorms-
son lét skipasmíðastöðvarnar á sín-
um tíma ráðast í að smíða en Halldór
Asgrímsson þvertók lengi vel fyrir
að fengju kvóta. Loks lauk smíði
togaranna og Halldór gaf sig með að
iáta fleyin fá smávegis af þorskinum
en aðallega er skipunum ætlað að
fiska rækju. Tvö þessara skipa voru
smíðuð á Akureyri og buðu Horn-
firðingar í bæði saman og líka í sitt-
hvoru lagi í hvort um sig. Og hvor-
ugt fengu þeir en heimildir HP
herma að fyrir pólitískan þrýsting á
Þorstein Pálsson sem hafði með
söluna að gera þá seldust þau fyrir
lægra verð en Hornfirðingarnir
vildu borga. Sama var uppi á ten-
ingnum með þriðja raðsmíðaskipið
sem smíðað var í Stálvík. Tvö skip-
anna fóru í kjördæmi Þorsteins, suð-
ur í Þorlákshöfn en eitt á Biöndu-
ós. Eitt aðalhlutverkið í þessum
skollaleik segja heimildir HP að sé
leikið af Halldóri Blöndal, sem situr
í stjórn Byggðastofnunar en Horn-
firðingar sakna þess að Halldór
þingmaður þeirra Ásgrímsson sé
méð. . .
Þ
á hefur Steinunn Sigurðar-
dóttir nýverið lokið við fyrstu
skáldsögu sína sem hún hefur haft í
smíðum undanfarin ár. Sem stendur
ber hún vinnutitilinn Tímaþjófur-
inn. Útgefandi er Iðunn...
Þ
að gengur á með jarðskjálft-
um þessa dagana. Það er því ekki að
ófyrirsynju að í lok október næst-
komandi verður haldin í Reykjavík -
samnorræn ráðstefna verkfræð-
inga, burðarþolssérfræðinga og
jarðskjálftasérfræðinga og er við-
fangsefnið að sjálfsögðu jarð-
skjálfti. Gert er ráð fyrir um það bil
fimmtíu þátttakendum á ráðstefn-
una, og er sagt að fleiri hafi áhuga á
að komast á hana en geta. Auk
hinna norrænu þátttakenda er von
á þekktum jarðskjálftafræðimönn-
um víðsvegar að úr heiminum,
meðal annars frá Kaliforníu og
Þýskalandi. Þýsku sérfræðingarnir
hafa að undanförnu verið að koma
á laggirnar sérstakri reglugerð fyrir
alla Evrópu, og verður eflaust fróð-
legt að sjá hvaða undirtektir þeirra
málflutningur hlýtur hér. Jarð-
skjálftaráðstefnan hér verður haldin
á vegum Háskóla íslands og Tækni-
háskólans í Kaupmannahöfn, en
formaður er Júlíus Sólnes verk-
fræðingur. Vonandi verður ekki allt
hrunið um koll áður en gestirnir
koma. ..
Þakgluggar í ýmsum stærðum, fastir og opnanlegir.
Bergplast
Smiðjuvegi 28D
sími 73050.
* >
8,9%
í nóvemberlok hefur það vaxið um a.m.k. 3,5%
í lok janúar um 6%
í marslok um
Að sjálfsögðu skaltu kynna þér hvort nokkur bankastofnun
býður betra, og koma svo.
A VEXTI

:
12 HELGARPÓSTURINN