Dagblaðið Vísir - DV - 11.04.1991, Blaðsíða 15

FIMMTUDAGUR íi. ÁPRÍL Í991.
15
Við erum stoltir af þvi, jafnaðarmenn, að geta nú sagt með sanni: Við
höfum náð góðum árangri. - Þingflokkur Alþýöuflokksins á fundi.
Liðsbón
Alþingiskosningar veröa á ís-
landi laugardaginn 20. apríl nk.
Mikil umskipti til hins betra hafa
orðið í íslensku þjóðlífi á sl. 4 árum.
Framan af kjörtímabilinu var við
mikla erfiðleika að fást. Þeir voru
gamalkunnir frá fyrri tíð: afla-
brestur, verðlækkanir á erlendum
mörkuðum, gengislækkanir, verð-
bólga og kjararýrnun.
Góður árangur
Alþýðuflokkurinn hefur verið í
ríkisstjórn sl. 4 ár. Við erum stoltir
af því, jafnaðarmenn, aö geta nú
sagt með sanni, við lok kjörtíma-
bilsins: Við höfum náð góðum ár-
angri. Við skilum af okkur mun
betra búi en við tókum við. Og
stjómmálaflokka á að dæma af
verkunum, ekki rétt?
Verðbólga er nú 5,3%.
Vextir eru svipaðir og í flestum
Evrópulöndum.
Haflarekstri og skuldasöfnun fyr-
irtækja hefur verið snúið í hagnað
sem er ávísun á bættan kaupmátt
í næstu kjarasamningum.
Við höfum lögfest nýtt húsnæðis-
kerfi sem býður upp á valkosti við
hæfl ólíkra fjölskylduþarfa.
Ein af hverjum hremur félagsleg-
um íbúðum var byggð sl. 4 ár.
í húsbréfakerfmu er unnt að
KjaUaiinn
Jón Baldvin
Hannibalsson
formaður Alþýðuflokksins -
Jafnaðarmannaflokks íslands
ljúka fasteignaviðskiptum á 3-5
vikum, í stað 3ja til 5 ára biðlista í
gamla kerfmu.
Þetta eru fáein dæmi af mörgum
um batnandi þjóðfélag.
Það er því að birta til í íslensku
þjóðlífi á ný.
Leggðu okkur lið
Við jafnaðarmenn stóðum við
það fyrirheit okkar fyrir kosning-
arnar 1987 að vinna bug á verð-
bólgunni - koma á jafnvægi og
stöðugleika.
Nú leitum við liðsinnis þíns við
að lyfta kaupmætti og lífskjörum á
næstu 4 árum - án verðbólgu.
Við gerum þetta með því að virkja
vannýttar orkulindir lands og þjóð-
ar og með því að afnema leifar hafta
og einokunar í atvinnulífinu.
Helstu verkefni okkar á næsta
kjörtímabfli verða þessi:
Stórvirkjanir og nýtt álver - til
þess að skapa 5000 ný störf, auka
hagvöxt, kaupmátt og gjaldeyris-
tekjur.
Samningar um Evrópskt efna-
hagssvæði (EES): M.a. um toll-
frjálsan markaösaögang fyrir full-
unnar sjávarafurðir sem mun þýða
nýtt vaxtarskeið í flskvinnslu á ís-
landi.
Sala veiðileyfa sem tekin verði
upp í áfóngum í stað ókeypis út-
hlutunar kvóta. Það mun auðvelda
okkur að lækka skatta í framtíð-
inni - arðurinn af sameiginlegri
auðlind mun þá renna til þjóðar-
innar allrar.
Breytt landbúnaðarstefna. - Til
að lækka matvælaverð.
Hærri skattfrelsismörk og nýtt
kerfi húsaleigubóta sem við höfum
fullmótaðar tillögur um.
Kjörorð okkar í þessum kosning-
um er: ísland í A-flokk Evrópu-
þjóða. (X-A). Þessi grein er liðsbón.
Leggðu okkur lið í þessari baráttu.
Þá mun ísland bjóða upp á auðugra
mannlíf á þessum aðfaraáratug
nýrrar aldar.
Jón Baldvin Hannibalsson
-----------------------------------------
„Við jafnaðarmenn stóðum við það fyr-
irheit okkar fyrir kosningarnar 1987
að vinna bug á verðbólgunni - koma á
jafnvægi og stöðugleika.“
Skattakóngurinn
Davíð Oddsson
„Leikur borgarstjóra með útsvarstölur í fjölmiðlum hefur faiist í því að
bera saman álagningaprósentur áður fyrr, þegar útsvar var greitt ári
eftir að teknanna, sem það var byggt á, var aflað“, segir m.a. í greinninni.
„Fjöldinn er heimskur og gleym-
inn, segir Hitler í bók sinni Mein
Kampf og af þessari staðhæfingu
dregur hann eftirfarandi ályktani'r:
Áróðurinn verður aö vera einfald-
ur... jafnframt þvi sem áróðurinn
er einfaldur verður hann að vera
einhliða. Og þar sem fjöldinn er
skilningssljór, heimskur og gleym-
inn verður að endurtaka þessar
einföldu og einhliða skoðanir ótal-
mörgum sinnum." Þessi tilvitnun
er í kafla um áróður í bókinni Sál-
fræði eftir Símon Jóh. Ágústsson.
Orð hans sjálfs
Davíð Oddsson borgarstjóri virð-
ist hafa tileinkað sér þessar bar-
áttuaðferðir Hitlers. Við umræður
um fjárhagsáætlun Reykjavíkur-
borgar fyrir rúmum mánuði sagöi
hann um skatta á Reykvíkinga:
„Sannleikurinn væri sá að undið
hafi verið ofan af þeim hækkunum
sem urðu á kjörtímabili vinstri
meirihlutans í Reykjavík" (Mbl.
22/2 1991 bls. 16). Þetta veit Davíð
að er rangt. Skattar í tíð hans sem
borgarstjóra hafa stórhækkað að
teknu tilliti til hækkunar verðlags
og fólksfjölgunar.
Þetta má meira að segja sjá með
því að lesa orð hans sjálfs neðar á
sömu síðu. Þar segir borgarstjóri:
„Útsvörin hafa fylgt sama takti og
heildartekjurnar og tekjur af þeim
aukist um 23,7% á mann á sam-
bærilegu verðlagi." Á mannamáli
þýðir þessi setning að útsvar, þ.e.
tekjuskattur borgarinnar á hvern
íbúa í Reykjavík, hefur að teknu
tilliti til verðbólgu hækkað um ná-
lægt fjóröung á stjórnartíma Dav-
íðs.
Samt er sagt í kafla um Davíð og
borgarmálefni í kynningarþætti
Sjálfstæðisflokksins sem sýndur
var í sjónvarpinu fyrir nokkrum
dögum: „Staðið hefur veriö aö stór-
huga framkvæmdum án þess að
hækka skatta.“ Á meðan voru
sýndar myndir af borgarstjóra vera
að klippa á borða, leggja hornsteina
og taka fyrstu skóflustungu að ráð-
húsi.
KjaUarinn
Einar Árnason
hagfræðingur
Og enn var áróðurinn hamraður
inn þegar Davíð borgarstjóri sat
fyrir svörum fréttamanna sjón-
varpsins síðasta sunnudag. Hann
sagði þá: „Við lækkuðum fast-
eignaskattana, við lækkuðum síð-
an útsvörin og samt sem áður er
borgin eins og allir tala nú um af-
skaplega tjárhagslega sterk.“ Von-
andi eru íslendingar almennt og
íslenskir fjölmiðlamenn ekki jafn-
heimskir og Hitler taídi fjöldann
vera.
Til að villa enn frekar...
í árbók Reykjavíkurborgar 1990,
sem kom út í desember síðastliðn-
um, kemur fram að tekjuskattar
(þ.e. útsvar) á Reykvíkinga námu
4.749 milljónum króna árið 1989 en
það ár er nýjasta árið með endan-
lega álagningu. Þá var íbúafjöldi í
Reykjavík 96.708 samkvæmt sömu
bók þannig að útsvar á mann var
kr. 49.105. Síöasta heila ár vinstri
meirihlutans í borgarstjórn var
árið 1981.
Samkvæmt árbókum Reykjavík-
ur fyrir það ár var útsvar á Reyk-
víkinga þá samtals rúmlega 314
milljónir króna sem á verðlagi árs-
ins 1989 gerir tæplega 3.274 milljón-
ir króna. Þar sem íbúar borgarinn-
ar voru þá 84.593 þýðir þetta 38.699
krónur í skatta á mann árið 1981.
Skattahækkunin í formi útsvars er
því tæplega 27% þótt tekið sé tillit
tfl verðlagsbreytinga og fólksflölg-
unar.
Leikur borgarstjóra með útsvars-
tölur í fjölmiðlum hefur falist í því
að bera saman álagningaprósentur
áður fyrr, þegar útsvar var greitt
ári eftir að teknanna, sem það var
byggt á, var aflað. Þá gat mikil
verðbólga og launahækkanir á ár-
inu í raun lækkað þessa skatta
verulega svo að álagningarpró-
senta útsvars ein og sér sagði því
ekkert um skattbyrði. Síðan hefur
Davíð boriö þessar tölur saman við
álagningarprósentu útsvars í stað-
greiðslu til að villa enn frekar um
fyrir almenningi (sjá sömu síðu í
Mbl.).
Á sama hátt og með útsvarið sýna
tölur úr árbók Reykjavíkur að fast-
eignaskattar á mann í Reykjavík
hafa hækkað um rúmlega 39% í tíö
núverandi meirihluta eða úr kr.
10.537 á hvern íbúa árið 1981 í 14.677
á íbúa árið 1989 (hvort tveggja á
verðlagi ársins 1989). Aðstöðugjöld-
in hafa hækkað enn meira eða um
tæplega 70% á hvern ibúa á föstu
verðlagi á sama tímabili.
„Fréttastofa" Davíðs
ítrekað hefur verið sýnt fram á
það í fjölmiölum undanfarið (m.a.
í greinum undirritaðs í DV 5/3 og
19/3 sl.) að Davíð Oddsson sagði
almenningi rangt til þegar hann við
fjárhagsáætlun borgarinnar fyrir
rúmum mánuði fullyrti að bygg-
ingarkostnaður ráðhúss „verði um
20% meiri heldur en gert var ráð
fyrir í upphafl" (Mbl 22/2 1991 bls.
16.)
Hann margítrekaöi að áætlaður
kostnaður við húsið í heild væri 750
milljónir króna, jafnvel eftir að
framkvæmdir við það voru hafnar.
Framreiknuð nemur áætlunin
1.300 milljónum en kostnaðurinn í
dag er áætlaöur 2700 milljónir.
Fullyrt hækkun Davíðs um 20%
gerir 1.560 milljónir. Mismunurinn,
þ.e. 1.140 milljónir, er rangfærslur
Davíðs í því tilfelli.
Þrátt fyrir ítrekuð tflmæli hefur
„fréttastofa" Stöðvar 2 verið sá eini
af stóru fjölmiðlunum sem ekki
hefur séð sér fært að upplýsa al-
menning um þessar stórfelldu
hækkanir á byggingarkostnaði
ráðhúss. Það er ískyggilegt hvaö
sú „fréttastofa" og Davíð Oddsson
eru sammála um að þegja um þessi
verk borgarstjóra. Skyldi nokkuð
heyrast frá þeim nú frekar en fyrri
daginn?
Eg skora á blaða- og fréttamenn
að kynna sér þessi mál og upplýsa
almenning um þau því hér er um
grundvallarstaðreyndir að ræða.
Einar Árnason
„Leikur borgarstjóra með útsvarstölur
í fjölmiðlum hefur falist í því að bera
saman álagningarprósentur áður fyrr,
þegar útsvar var greitt ári eftir að tekn-
anna, sem það var byggt á var aflað.“