Morgunblaðið - 19.12.1973, Blaðsíða 40

40
MORGUNBLAÐIÐ, MIÐVIKUDAGUR 19. DESEMBER 1973
HJUKRUN I BRENNIDEPLI
HLAÐINU hefur hori/l eflirfar-
andi frá Akurcyrardeild
lljúkrunarff'laKS íslands:
„HJUKRUN í brennidcpli" voru
einkunnarorð samnorræna
hjúkrunarkvennamótsins, sem
haldíð var í Reykjavík sumarið
1970. — I>að má með sanni segja,
að enn sé hjúkrun í brennidepli
hér á landi, þeuar haft er í huga,
að síðan-1970 hefur verið settur á
stofn nýr ly úkrunarskóli, ný
hjúkrunarnámsbraut við Háskóla
Islands og lagt fram á Alþingi
frumvarp til nýrra hjúkrunar-
laga.
Við hjúkrunarkonur fögnum
því, að geta fylgzt með gangi
hjúkrunarmála og gleðjumst inni-
lega, þegar merkum áföngum er
náð. Sérstaklega er ánægjulegt að
fylgjast með, þegar eitthvað nýtt
hefur gerzt í menntunarmálum
hjúkrunarkvenna, því að áhugi
okkar beinist fyrst og fremst að
því, að opnaðar verði leiðir til
meiri menntunar hér á landi.
En ánægja okkar breyttist í
undrun og síðan í vonbrigði, þeg-
ar við komumst að raun um, að
þrátt fyrir allt, sem gerzt hefur í
menntunarmálum hjúkrunar-
kvenna, er enn ógert það, sem að
okkar áliti er mest aðkallandi, en
það er að koma á fót framhalds-
menntun (s.s. í heilsuvernd,
geðhjúkrun, barnahjúkrun og
öðrum sérgreinum hjúkrunar).
Menntamálaráðherra lýsti yfir
því í fyrirspurnartíma á Alþingi
fyrir skömmu, að þegar ákveðið
hefði verið að hefja framhalds-
nám í hjúkrun við háskólann,
hefði það sírandað á því, að há-
skólinn veitti ekki öðrum viðtöku
en stúdentum. Ennfremur sagði
hann, að ekki mætti dragast að
breyta lögum háskólans, til þess
að hjúkrunarfólk gæti fengið að-
gang að honum. Einnig var upp-
lýst, að menntamálaráðuneytið
hefur farið þess á leit við háskól-
ann, að hann athugi, hvernig
þessum breytingum verði bezt við
komið.
En hvernig ber að skilja þessar
jákvæðu yfirlýsingar, þegar ein-
mitt á sama tíma og þær eru gefn-
ar, er verið að afgreiða ný lög á
Alþingi um háskólann, án þess að
nokkuð sé minnzt á ákvæði er
varðar hjúkrunarfólk?
Að visu var sett á stofn við
háskölann ný námsbraut í hjúkr-
un, en það er hjúkrunargrunn-
nám og eingöngu ætlað stúdent-
um. Þrátt fyrir þessa nýju náms-
braut stöndum við í sömu sporum,
hvað snertir framhaldsmenntun-
ina, þvi að í reynd hefur einungis
þriðji hjúkrunarskólinn verið
stofnaður.
Vonandi dettur engum í hug,
að hjúkrunargrunnnám við há-
skóla jafngildi framhaldsmennt-
un í hjúkrun eða veiti réttindi
sem slík.
Hve lengi á að draga okkur á
aðgerðum í framhaldsmenntunar-
málum eftir svona jákvæðar und-
irtektir ráðamanna? — Það hefur
sýnt sig, að þegar aðgerða er þörf,
þá er hægt að hraða framkvæmd-
um, það kom í ljós, þegar nýi
hjúkrunarskólinn var stofnaður.
Væri ekki einnig hægt að láta til
skarar skríða með framhalds-
menntunina?
Nýtt frumvarp til hjúkrunar-
laga liggur nú fyrir Alþingi og
verður væntanlega afgreitt á
næstunni. I athugasemdum við 1.
gr. frumvarpsins, sem fjallar um
það, hverjir hafa rétt til að kalla
sig hjúkrunarkonu eða mann, er
sagt frá því, aðtillögur hafikomið
fram um nýtt samheiti fyrir þá,
sem lokið hafa hjúkrunarnámi.
Rætt hafi verið um orðin hjúkrir,
hjúkri, hjúkrari og hjúkrunar-
fræðingur. Einnig segir í athuga-
semdinni, að vonazt sé til, að
Hjúkrunarfélag íslands hafi kom-
ið fram með ákveðna tillögu utn
slíkt heiti, áður en meðferð frum-
varpsins á Alþingi sé lokið. Mikill
hluti hjúkrunarkvenna er mót-
fallinn slíku samheiti og myndi
aldrei taka það upp. I reynd yrði
því ekki um samheiti að ræða,
heldur sérheiti einhvers hóps
hjúkrunarfólks.
Islenzka hjúkrunarstéttin er fá-
menn og verður því að vera á
verði gagnvart öllum breytingum,
er leitt geta til sundrungar. Okk-
ur er nú þegar ærinn vandi á
höndum að eiga að standa saman
sem ein stétt, þegar við höfum
fengið þrenns konar grunnnám.
Slikt gæti blessazt meðal stjór-
þjóða, en er varhugavert hjá okk-
ur vegna smæðar okkar. Við vilj-
um því lýsa andúð okkar á nafn-
breytingunni og vonumst til, að
henni verði ekki komið á gegn
vilja mikils hluta hjúkrunarstétt-
arinnar.
Ennfremur viljum við ítreka
beiðni okkar um framhalds-
menntun og skorum á ráðamenn
að hefjast nú þegar handa um það
brýna verkefni, þvi að við álítum,
að allír, sem lokið hafa viður-
kenndu grunnnámi í hjúkrun,
eigi að hafa jafnan rétt og mögu-
leika til framhaldsmenntunar.
Hjúkrunarkonur
Akureyrardeildar H.F.Í.
fHttgtutHafrUi
margfaldnr
markað yðar
Æ6IFÖ6UR
Eldar í Heimaey
Vestmannaeyingarnir,Árni Johnsen, blaðamaður, og Sigurgeir Jónasson,
ljósmyndari, taka höndum saman og lýsa baráttu
Eyjamanna við náttúruöflin á ógleymanlegan hátt.
Eldar í Heimaey er einstæð
lýsing Árna Johnsen á baráttu
mannsins við elda og ösku,
hraun og hita, og þeirri óbif-
anlegu bjartsýni, sem Eyja-
menn sýndu, þótt óvíst væri
um örlög heimabyggðar
þeirra. Árni rekur einnig höf-
uðþætti hins mikla endur-
reisnarstarfs í Eyjum á þann
hátt, sem þeim einum er lagið,
sem þekkt hefur Eyjar og íbúa
'þeirra ailt sitt líf.
300
myndir
Árni Johnsen
t VESTMAN
Meginþorri þeirra 300 mynda,
sem prýða bókina, er tekinn af
hinum kunna ljósmyndara
Sigurgeir Jónassyni, sem
dvaldist í Eyjum allan gostím-
ann. Frábærar atburðamynd-
ir Sigurgeirs og 15 annarra
ljósmyndara draga upp raun-
sanna 'lýsingu á hinum stór-
brotnu og hörmulegu atburð-
um, sem gerðust, þegar eldar
komu upp í Heimaey.
VESTMANNAEYJABÓK AB